Stellantis தலைமை நிர்வாக அதிகாரியுடன் அமைச்சர் Melanie Joly மீண்டும் சந்திப்பொன்றை முன்னெடுக்கிறார்.
எதிர்வரும் வெள்ளிக்கிழமை (20) இந்த முக்கிய சந்திப்பு நடைபெற ஏற்பாடாகியுள்ளது.
Brampton Assembly ஆலை விற்பனை சர்ச்சையின் பின்னணியில் இந்த சந்திப்பு நடைபெறுகிறது.
கனடிய அரசுடனான நிதி ஒப்பந்த விதிமுறைகளை மீறியதற்காக Stellantis நிறுவனத்திற்கு மத்திய அரசு ஏற்கனவே ஒப்பந்த மீறல் கடிதத்தை அனுப்பியுள்ள நிலையில் இந்த சந்திப்பு நடைபெறுகிறது.
நிலைமையைச் சரி செய்ய 30 நாட்கள் அவகாசம் வழங்கப்பட்டுள்ள நிலையில், தவறினால் Stellantis அரசிடமிருந்து பெற்ற நிதியை வட்டியுடன் திரும்பச் செலுத்த நேரிடும் எனவும் எச்சரிக்கப்பட்டுள்ளது.
முன்னதாக கடந்த வியாழக்கிழமை (12) நடைபெற்ற முதல் கட்ட ஆலோசனைக் கூட்டத்திற்குப் பின்னர் செய்தியாளர்களிடம் பேசிய அமைச்சர், Stellantis நிறுவனத்தின் போக்கால்தான் மிகவும் சலிப்படைந்து விட்டதாக அதிருப்தி வெளிப்படுத்தினார்.
Brampton தொழிலாளர்களுக்கு ஒரு முழுமையான தீர்வை வழங்க வேண்டிய கட்டாயக் கடமை Stellantis நிறுவனத்திற்கு உள்ளது எனப் பிரதமர் Mark Carney தனது பங்கிற்கு வலியுறுத்தி வருவது இங்கு குறிப்பிடத்தக்கது.
