Toronto மாநகர முதல்வர் தேர்தலில் மீண்டும் வெற்றி பெற்றுள்ள Olivia Chow இந்த வெற்றியின் மூலம் புதிய சாதனை படைத்துள்ளார்.
இந்தத் தேர்தலில் மொத்தம் 5,32,201 வாக்குகளைப் பெற்று கனடிய அரசியல் வரலாற்றிலேயே எந்த ஒரு உள்ளாட்சி வேட்பாளரும் பெறாத மிக அதிகபட்ச வாக்கு எண்ணிக்கை அவர் பதவி செய்துள்ளார்.
இதற்கு முன்னர் கடந்த 2000-ஆம் ஆண்டில் Mel Lastman நகர முதல்வர் தேர்தலில் 4,83,277 வாக்குகள் பெற்றது சாதனையாக இருந்தது.
அதனை தற்போது Olivia Chow முறியடித்துள்ளார்.
அவரது பிரச்சாரக் குழுவின் தகவல் படி, கனடிய தேர்தல் வரலாற்றில் நேரடியாக வாக்களிக்கக் கூடிய ஒரு தனிநபர் அரசியல் தலைவருக்கு பதிவான மிக அதிகபட்ச வாக்குகள் இதுவே ஆகும்.
இந்தத் தேர்தலில் பதிவான வாக்குகளில் 54.16% வாக்குகளை Olivia Chow தனதாக்கினார்.
இதன் மூலம் Toronto நகரத்தில் மொத்தம் 25 தொகுதிகளில் 19 தொகுதிகளை தன்வசப்படுத்தி இந்த மாபெரும் வெற்றியைஅவர் பதிவு செய்துள்ளார்.
தவிரவும் Toronto மாநகராட்சி வரலாற்றில் தொடர்ந்து இரண்டாவது முறையாக நகர முதல்வர் பதவியை கைப்பற்றிய முதல் பெண்மணி என்ற பெருமையையும் Olivia Chow பெற்றுள்ளார்.
இந்தத் தேர்தலில் அவரை எதிர்த்துப் போட்டியிட்ட நகரமன்ற உறுப்பினர் Brad Bradford மொத்தம் 4,04,013 வாக்குகளைப் (41.11%) பெற்று இரண்டாம் இடத்தைப் பிடித்தார்.
அவருக்கும் Toronto தேர்தல் வரலாற்றில் நான்காவது அதிக எண்ணிக்கை வாக்குகள் கிடைத்துள்ளது குறிப்பிடத்தக்கது.
2022-ஆம் ஆண்டு நடந்த தேர்தலில் 29 சதவீதம் என வரலாற்றிலேயே மிகக் குறைந்த வாக்குப்பதிவு பதிவானது.
ஆனாலும் நடைபெற்ற தேர்தலில் 45.8 சதவீதமான வாக்குப்பதிவு நிகழ்ந்தது.
இது 2014-ஆம் ஆண்டின் பின்னர் Toronto நகரில் பதிவான மிக உயர்ந்த வாக்குப்பதிவு சதவீதமாகும்.
