ஒப்பந்தத்தை மீறிய அமெரிக்க நிறுவனத்திற்கு எதிராக கடுமையான எச்சரிக்கை செய்தி அனுப்பப்பட வேண்டும் என கனடிய அமைச்சர் Mélanie Joly தெரிவித்தார்.
வழங்கிய வாக்குறுதிகளை மீறி Stelco நிர்வாகம் எடுத்து வரும் தன்னிச்சையான முடிவுகளை அமைச்சர் கண்டித்தார்.
Cleveland-Cliffs நிறுவனம் கனடிய முதலீட்டுச் சட்டத்தின் கீழ் வழங்கிய சட்டப்பூர்வ ஒப்பந்தங்களை அப்பட்டமாக மீறியுள்ளதை அமைச்சர் சுட்டிக்காட்டினார்.
Cleveland-Cliffs நிறுவனத்தின் மீது இரட்டை விதிமீறல் குற்றச்சாட்டை Mélanie Joly முன்வைத்தார்.
இந்த நிலையில் Stelco தொழிலாளர்களின் பணிநீக்க விவகாரத்தில் கனடிய அரசுக்கும், அதன் அமெரிக்க உரிமையாளரான Cleveland-Cliffs நிறுவனத்திற்கும் இடையிலான மோதல் புதிய உச்சத்தை எட்டியுள்ளது.
Stelco நிர்வாகம் 500 தொழிலாளர்களைப் பணி நீக்கம் செய்ய முடிவு செய்த நிலையில் இந்த மோதல் ஆரம்பமானது.
இந்த நிலையில் சட்ட சிக்கல்களை தவிர்த்து இந்தச் சிக்கலுக்கு சுமுகத் தீர்வு காண்பதற்காக கனடிய அரசு அதிகாரிகளுடன் அவசரப் பேச்சுவார்த்தை ஒன்றை நடத்த Cleveland-Cliffs நிறுவனத்தின் தலைமை நிர்வாக அதிகாரி அழைப்பு விடுத்துள்ளார்.
