Ontario மாகாண சபை உறுப்பினரின் அலுவலக ஊழியருக்கு மரண எச்சரிக்கை விடுக்கப்பட்டுள்ளது.
Toronto துவிச்சக்கரவண்டி பாதை (Bike Lane) விவகாரத்தில் மாகாண சபை உறுப்பினரின் அலுவலக ஊழியருக்கு எச்சரிக்கை விடுக்கப்பட்டுள்ளது.
Parry Sound-Muskoka தொகுதி Conservative மாகாணசபை உறுப்பினர் Graydon Smith-தின் தொகுதி அலுவலகத்துக்குள் புகுந்த நபர் ஒருவர் அங்கிருந்த இளம் பெண் ஊழியருக்கு பகிரங்க மரண மிரட்டல் விடுத்துள்ளார்.
Toronto பிரதான வீதிகளில் இருந்து துவிச்சக்கர பாதைகளை அகற்றும் மாகாண அரசின் கொள்கைக்கு எதிர்ப்பு தெரிவித்த ஒருவர் ஆளும் அரசின் மாகாணசபை உறுப்பினரின் அலுவலக ஊழியருக்கு பகிரங்க மரண மிரட்டல் விடுத்துள்ளார்.
இதனால் ஊழியரின் பாதுகாப்புக் கருதி மாகாணசபை உறுப்பினர் தனது அலுவலகத்தை மூட முடிவு செய்தார்.
இந்தச் சம்பவம் குறித்து Ontario மாகாண காவல்துறை (OPP) தீவிர குற்றவியல் விசாரணையை முன்னெடுத்துள்ளது.
முதல்வர் Doug Ford தலைமையிலான Conservative அரசு துவிச்சக்கரவண்டி பாதைகளை அகற்றும் அதிரடிப் பணிகளை இந்த மாத ஆரம்பத்தில் முறைப்படி தொடங்கியது இங்கு குறிப்பிடத்தக்கது.
