Toronto Pearson விமான நிலைய தங்க கொள்ளை வழக்கில் முக்கிய குற்றவாளி நீதிமன்றத்தில் வாக்குமூலம் வழங்கினார்.
கனடிய வரலாற்றிலேயே மிகப்பெரிய தங்கம் கொள்ளை வழக்காக கருதப்படும் Toronto Pearson சர்வதேச விமான நிலைய கொள்ளை வழக்கின் தொடர் விசாரணையில் முக்கியக் குற்றவாளி Arsalan Chaudhary நீதிமன்றத்தில் வாக்குமூலம் வழங்கினார்.
இந்த கொள்ளைக்கான முழு திட்டத்தையும் தான் தீட்டியதாக Arsalan Chaudhary தனது வாக்குமூலத்தில் ஒப்புக் கொண்டார்.
ஆனாலும் கொள்ளையடித்த தனது பங்கு பணம் முற்றிலும் பறிபோய்விட்டது எனவும் செவ்வாய்கிழமை (13) தனது வாக்குமூலத்தில் கூறினார்.
கொள்ளையடிக்கப்பட்ட தொகையிலிருந்து தனக்குக் கிடைத்த கோடிக்கணக்கான தங்கம், பணத்தை பாகிஸ்தானில் கடத்தப்பட்டு கொடூர சித்திரவதைக்கு உள்ளான போது பறிகொடுத்து விட்டதாக அவரது திடுக்கிடும் சாட்சியத்தை Arsalan Chaudhary தெரிவித்தார்.
Brampton நகர நீதிமன்றத்தில் Air கனடா நிறுவனத்தின் முன்னாள் ஊழியரான Parmpal Sidhu மீதான நேரடித் தனி நீதிமன்ற விசாரணையின் போது Arsalan Chaudhary இந்த அதிரடி வாக்குமூலத்தை வழங்கினார்.
2023 April 17 அன்று சுவிட்சர்லாந்திலிருந்து கனடாவை வந்தடைந்த $22 மில்லியன் மதிப்புள்ள 400 கிலோ தூய தங்கக் கட்டிகள கொள்ளையடிக்கப்பட்டன.
இந்தக் கொள்ளை வழக்கில் 43 வயதான Arsalan Chaudhary ஏற்கனவே தனது குற்றத்தை ஒப்புக்கொண்டு தற்பொழுது 4 ஆண்டுகள் சிறை தண்டனை அனுபவித்து வருகிறார் என்பது இங்கு குறிப்பிடத்தக்கது.
