Hamilton நகரில் இரண்டு வீடுகள் வெடி சம்பவங்கள் மூலம் வெடித்து சிதறிய விபத்துக்கள் நிகழ்ந்தன.
சில மணி நேர இடைவெளியில் இரண்டு வீடுகள் வெடி சம்பவங்கள் மூலம் அடுத்தடுத்து வெடித்துச் சிதறிய விபத்துக்கள் வியாழக்கிழமை (08) அதிகாலை அரங்கேறியுள்ளன.
இதில் மூன்று பேர் படுகாயமடைந்துள்ளதுடன், ஒரு பெண் உயிருக்கு ஆபத்தான நிலையில் வைத்தியசாலையில் அனுமதிக்கப்பட்டார்.
இவர் தீவிர சிகிச்சைப் பிரிவில் அனுமதிக்கப்பட்டுள்ளார்.
ஒரே நாளில் அடுத்தடுத்து நிகழ்ந்த இந்த இரண்டு வெடி சம்பவங்கள் குறித்து Hamilton தீயணைப்புப் படை, Ontario தீயணைப்புத் துறை அலுவலகத்தினர் இணைந்து கூட்டு விசாரணையை முடுக்கி விட்டுள்ளனர்..
இதில் முதலாவது வெடிச் சம்பவம் வியாழன் அதிகாலை 2:00 மணிக்கு சற்று முன்பு நிகழ்ந்தது.
இதில் வீட்டிற்குள் இருந்த இருவர் அதிர்ஷ்டவசமாக தப்பித்து வெளியேறினர்.
முதலாவது விபத்து நிகழ்ந்த நான்கு மணி நேரத்திற்குள்ளாக, அதிகாலை 6 மணி அளவில் மற்றொரு குடியிருப்புப் பகுதியில் இரண்டாவது வெடிப்பு நிகழ்ந்தது.
இதில் அந்த வீடு முற்றிலும் தரைமட்டமானது.
இதில் அந்தப் பகுதியில் சுற்றியுள்ள அண்டை வீடுகளின் உள்கட்டமைப்புகளும் பலத்த சேதமடைந்துள்ளன.
இந்த எரியும் கட்டிட இடிபாடுகளுக்கு இடையே துணிச்சலாகத் தேடுதல் வேட்டை நடத்திய மீட்புக் குழுவினர், வீட்டின் அடித்தளப் பகுதியில் இடிபாடுகளுக்குள் சிக்கியிருந்த ஒரு பெண்ணை உயிருடன் மீட்டனர்.
உடல் முழுவதும் பலத்த தீக்காயங்களுடன் Hamilton பொது மருத்துவமனையின் அவசர பிரிவில் அனுமதிக்கப்பட்டுள்ள அவரது நிலைமை தற்போது மிகவும் கவலைக்கிடமாக உள்ளது.
இந்த இரண்டு வீடுகளுக்கு அண்டைய வீடுகளில் வசிக்கும் நூற்றுக்கணக்கான குடியிருப்பாளர்களை காவல்துறையினரை அவசரமாகப் பாதுகாப்பான இடங்களுக்கு வெளியேற்றியுள்ளனர்.
