Ontario மாகாண கல்லூரிகள், பல்கலைக்கழகங்கள் அமைச்சர் Nolan Quinn பதவி விலக வேண்டும் என Liberal கட்சி வலியுறுத்தியுள்ளது.
OSAP ஊழல் விவகார குற்றச்சாட்டுகளுக்கு மத்தியில் Ontario Liberal கட்சியின் இடைக்காலத் தலைவர் John Frase இந்த வலியுறுத்தலை முன்வைத்துள்ளார்.
தனியார்ப் பயிலகங்களுக்கு மாகாண நிதி முறைகேடாக வழக்கப்பட்டது குறித்த புதிய திடுக்கிடும் உண்மைகள் வெளியானதைத் தொடர்ந்து, புதன்கிழமை (07) வெளியான செய்திக் குறிப்பில் இந்த பதவி விலகல் வலியுறுத்தப்பட்டது.
இந்த நிதி முறைகேட்டை Doug Ford அரசாங்கத்தின் தோல்வி என John Fraser சாடினார்.
Ontario மாகாண தனியார் பயிலகங்களில் அரங்கேறியுள்ள மாணவர் நிதியுதவி (OSAP) ஊழலுக்கு முழு பொறுப்பேற்று அமைச்சர் Nolan Quinn பதவி விலக வேண்டும் என John Fraser வலியுறுத்தினார்.
2024-25 கல்வியாண்டில், Ontario மாகாண மாணவர் உதவித் தொகையிலிருந்து $1 பில்லியன் நிதி தனியார்ப் பயிலக மாணவர்களுக்கு வழங்கப்படுள்ளது.
இந்த தகவலை Liberal கட்சியின் பல்கலைக்கழகங்கள், கல்லூரிகள் விவகாரங்களுக்கான நிழல் அமைச்சர் Tyler Watt வெளிச்சத்திற்கு கொண்டு வந்தார்.
மாகாணத்தில் உள்ள ஏழு தனியார்ப் பயிலகங்கள் மட்டுமே $385 மில்லியன் நிதியை பெற்றுள்ளன.
இந்தத் தொகை Ontario மாகாணத்தில் உள்ள 24 பொதுக் கல்லூரிகளுக்கு வழங்கப்பட்ட மொத்த நிதிக்கு இணையானதாகும்.
Ontario மாகாணத்தில் கடந்த ஓராண்டில் மட்டும் OSAP மானியச் செலவினம் $465 மில்லியன் உயர்ந்துள்ளது குறிப்பிடத்தக்கது.
இந்த OSAP விண்ணப்ப முறைகேடுகளும் சந்தேகத்திற்குரிய நடவடிக்கைகளும் குறித்து 2023-ஆம் ஆண்டின் ஆரம்பத்தில் அமைச்சகத்திற்கு முதல் எச்சரிக்கை விடுக்கப்பட்டதாக ஆவணங்கள் தெரிவிக்கின்றன.
ஆனாலும், கடந்த வருடம் நடுபடுத்தி வரை எந்த ஒரு நேரடி ஆய்வுகளும் ஆரம்பிக்கப்படவில்லை என Liberal கட்சி குற்றம்சாட்டுகிறது.
இந்த முறைகேடு தற்பொழுது Ontario மாகாண காவல்துறையின் (OPP) விசாரணைக்கு மாற்றப்பட்டுள்ளது.
