Ontario மாகாணத்தில் Whitby நகராட்சித் தேர்தலில், மாநகர முதல்வர் பதவிக்கு இளம் தமிழ் பெண் வேட்பாளர் ஹர்ஷினி ராஜ்மோகன் களம் இறங்கியுள்ளார்.
இம்முறை நகர முதல்வர் தேர்தலில் தற்போதைய முதல்வர் Elizabeth Roy, Chris Leahy ஆகியோருடன் ஹர்ஷினி ராஜ்மோகனும் இணைந்து மும்முனைப் போட்டியை உருவாக்கியுள்ளார்.
25 வயதான ஹர்ஷினி ராஜ்மோகன், Whitby நகரின் எதிர்கால வளர்ச்சி, இளைஞர்களுக்கான வேலை வாய்ப்புகள், பாதுகாப்பான சமூகக் கட்டமைப்பை உருவாக்குவதை நோக்கமாகக் கொண்டு தீவிர பிரச்சாரத்தில் ஈடுபட்டு வருகிறார்.
கனடிய அரசியலில் தமிழ் சமூகத்தின் பிரதிநிதித்துவம் அதிகரித்து வரும் நிலையில், Whitby நகர முதல்வர் பதவிக்கு தமிழ் வேட்பாளர் ஒருவர் போட்டியிடுவது உள்ளூர் தமிழ் வாக்காளர்களிடையே பெரும் வரவேற்பையும் எதிர்பார்ப்பையும் ஏற்படுத்தியுள்ளது.
Whitby நகராட்சித் தேர்தல் October 26 அன்று நடைபெற உள்ளது.
இந்தத் தேர்தலில் முன்கூட்டிய வாக்குப்பதிவு October 22 முதல் 25 வரை நடைபெற உள்ளது.
