ஐ.நா. பொதுச் சபைக் கூட்டத்தில் பங்கேற்க பிரதமர் Mark Carney அடுத்த வாரம் அமெரிக்கா பயணமாகிறார்.
அமெரிக்காவின் New York நகரில் அடுத்த வாரம் நடைபெற உள்ள ஐக்கிய நாடுகள் பொதுச் சபையின் வருடாந்த கூட்டத்தில் பங்கேற்பதற்காக Mark Carney பயணம் மேற்கொள்ள உள்ளார்.
கனடாவின் தற்போதைய அரசியல், சர்வதேச வர்த்தகச் சூழ்நிலைகளுக்கு மத்தியில் பிரதமரின் இந்த பயணம் மிகுந்த முக்கியத்துவம் வாய்ந்ததாகக் கருதப்படுகிறது.
சர்வதேசத் தலைவர்கள் பங்கேற்கும் இந்த மாநாட்டில், உலகளாவிய பொருளாதார கொள்கைகள், தற்போதைய சர்வதேச விவகாரங்கள் குறித்து பிரதமர் Mark Carney உரையாற்றவுள்ளார்.
இந்த ஐ.நா. கூட்டத்தில் பல்வேறு நாடுகளின் முக்கிய தலைவர்களை சந்தித்து இருதரப்பு உறவுகள், வர்த்தக ஒப்பந்தங்கள் குறித்து அவர் ஆலோசிக்க வாய்ப்புள்ளதாக தெரிகிறது.
சர்வதேச அளவில் கனடாவின் பங்களிப்பை நிலை நிறுத்துவதற்கும், தற்போதைய உலகளாவிய சவால்களுக்கு கூட்டாகத் தீர்வு காண்பதற்கும் இந்த உயர்மட்ட மாநாடு ஒரு முக்கிய மேடையாக அமையும் என எதிர்பார்க்கப்படுகிறது.
