British Columbia மாகாண Conservative கட்சியில் நிலவும் உட்கட்சிப் பூசலும் , அரசியல் குழப்பங்களும் தொடர்கின்றன.
மேலும் மூன்று சட்டமன்ற உறுப்பினர்கள் B.C Conservative கட்சியிலிருந்து நீக்கப்பட்டுள்ளனர்.
கட்சியின் இரண்டு முன்னாள் தலைவர்கள் உட்பட மேலும் மூன்று சட்டமன்ற உறுப்பினர்கள் கட்சி குழுவில் இருந்து அதிரடியாக நீக்கப்பட்டுள்ளனர்.
Nechako Lakes சட்டமன்ற உறுப்பினர் John Rustad, Surrey-White Rock சட்டமன்ற உறுப்பினர் Trevor Halford, Skeena சட்டமன்ற உறுப்பினர் Claire Rattée ஆகியோர் B.C Conservative கட்சியிலிருந்து நீக்கப்பட்டுள்ளனர்.
சட்டமன்றச் செயலக அலுவலகம் இந்த முக்கிய தகவலை அதிகாரப்பூர்வமாக உறுதிப்படுத்தியுள்ளது.
இந்த மூவரும் இனி Conservative கட்சியுடன் இணைந்திருக்க மாட்டார்கள் என சட்டமன்ற சபாநாயகர் அலுவலகத்திற்கு தெரிவிக்கப்பட்டுள்ளது.
கட்சித் தலைவர் Kerry-Lynne Findlay-ருக்கு எதிராக போர்க்கொடி தூக்கியதை அடுத்து இந்த அதிரடி நடவடிக்கை எடுக்கப்பட்டுள்ளது.
அவர் பதவியிலிருந்து விலக வேண்டும் என கட்சியின் சட்டமன்ற உறுப்பினர்கள் தொடர்ந்து அழுத்தம் கொடுத்து வந்தனர்.
இந்த உட்கட்சிப் பூசலின் உச்சகட்டமாக இந்த பதவி நீக்க நடவடிக்கை எடுக்கப்பட்டுள்ளது.
ஏற்கனவே கட்சித் தலைவர் மீதான விமர்சனத்தை முன்வைத்து 9 சட்டமன்ற உறுப்பினர்கள் கட்சியிலிருந்து விலகி இருந்த நிலையில், தற்போது இந்த 3 பேரும் நீக்கப்பட்டுள்ளனர்.
இதனால் Conservative கட்சியின் சட்டசபை உறுப்பினர்களின் எண்ணிக்கை 38-லிருந்து 25 ஆக குறைந்துள்ளது.
British Columbia மாகாணத்தில் எப்போது முன்கூட்டியே தேர்தல் அறிவிக்கப்படலாம் என்ற சூழலில், Conservative கட்சியில் ஏற்பட்டுள்ள இந்த அடுத்தடுத்த பிளவுகள் மாகாண அரசியலில் பெரும் பரபரப்பை ஏற்படுத்தியுள்ளது.
