நகராட்சி அலுவலக முகப்பில் இருந்த அமெரிக்க கொடியை அகற்ற Ontario மாகாணத்தின் Meaford நகரசபை முடிவு செய்துள்ளது.
கனடா – அமெரிக்காவிற்க்கு இடையே வர்த்தகப் போர் தீவிரமடைந்துள்ள சூழலில் இந்த முடிவு எடுக்கப்பட்டுள்ளது.
வரலாற்றுச் சிறப்புமிக்க Meaford Hall கட்டிடத்தின் முகப்பில் பறந்து வந்த அமெரிக்க தேசியக் கொடியை உடனடியாக அகற்ற Meaford நகராட்சி மன்றம் வாக்களித்துள்ளது.
நகரின் முக்கிய அடையாளமாக விளங்கும் Meaford Hall கட்டிடத்தின் மிக முக்கியப் பகுதியில், கனடியக் கொடியுடன் அமெரிக்கக் கொடியும் நீண்ட காலமாக பறக்கவிடப்பட்டிருந்தது.
இதில் அமெரிக்க கொடியை அகற்ற எடுக்கப்பட்ட முடிவு இரு நாடுகளுக்கும் இடையே நிலவி வரும் தற்போதைய இராஜதந்திரப் பதற்றத்தின் நேரடிப் பிரதிபலிப்பாக நோக்கப்படுகிறது.
இந்த அறிவித்தல் திங்கட்கிழமை (14) வெளியானது.
கனடாவின் இறையாண்மை, உள்நாட்டுப் பொருளாதாரத்திற்கு ஆதரவு தெரிவிக்கும் வகையில், தங்களது மாநகராட்சி கட்டிடத்தில் அமெரிக்கக் கொடிக்கு இனி இடமில்லை என Meaford நகரசபை உறுப்பினர்கள் ஏகமனதாக இந்தத் தீர்மானத்தை நிறைவேற்றியுள்ளனர்.
