கனடா அமெரிக்கா இடையிலான வர்த்தகப் போர் அமெரிக்க வாக்காளர்கள் மத்தியில் மிக முக்கிய தேர்தல் காரணியாக உருவெடுத்துள்ளது.
கனடிய இறக்குமதிகள் மீது Donald Trump நிர்வாகம் விதித்துள்ள புதிய வரிகள், வர்த்தகப் போர் ஆகியன அமெரிக்க வாக்காளர்கள் மத்தியில் மிக முக்கியமான தேர்தல் காரணியாக உருவெடுத்துள்ளது.
வரவிருக்கும் அமெரிக்க இடைக்காலத் தேர்தலில் இது ஆளுங்கட்சிக்கு பெரும் சவாலாக மாறும் என அரசியல் வல்லுநர்கள் கணித்துள்ளனர்.
கனடாவில் இருந்து இறக்குமதி செய்யப்படும் பொருட்கள் மீது விதிக்கப்பட்டுள்ள கடுமையான வரிகளால், அமெரிக்காவில் அன்றாட பொருட்களின் விலை கணிசமாக உயர்ந்துள்ளது.
இது நுகர்வோர், வணிகர்களிடம் கடும் அதிருப்தியை ஏற்படுத்தியுள்ளது.
கனடாவுடன் நெருங்கிய வர்த்தகத் தொடர்பு கொண்டுள்ள Michigan, Ohio, Maine, Iowa, Alaska போன்ற முக்கிய அமெரிக்க எல்லை மாநிலங்களில் இந்த விவகாரம் தேர்தல் களத்தை பெரிதும் பாதிக்கும் என எதிர்வு கூறப்படுகிறது.
இந்த வர்த்தகப் போரால் தங்களது வாழ்வாதாரமும், உள்ளூர் வேலைவாய்ப்புகளும் பாதிக்கப்படுவதாக கூறி, அமெரிக்க தொழிலாளர்கள், நுகர்வோர் தங்கள் வாக்குரிமையின் மூலம் இதற்குப் பதிலடி கொடுக்கத் தயாராகி வருகின்றனர்.
கனடாவை பொருளாதார ரீதியாக பலவீனப்படுத்த Donald Trump நிர்வாகம் எடுத்த முடிவு, தற்போது உள்நாட்டிலேயே அமெரிக்க வாக்காளர்களின் எதிர்ப்பைச் சந்தித்து வருவது சர்வதேச அரசியல் அரங்கில் பெரும் பரபரப்பை ஏற்படுத்தியுள்ளது.
