அமெரிக்க ஜனாதிபதி மீதான தனது தனிப்பட்ட விமர்சனங்கள் ‘உலகம் முழுவதும் எதிரொலித்தன’ என Doug Ford கூறினார்.
அமெரிக்க ஜனாதிபதி Donald Trump மீது இந்த வார ஆரம்பத்தில் தான் மேற்கொண்ட தனிப்பட்ட தாக்குதல்களை எல்லை மீறியவை என கருதவில்லை என Ontario மாகாண முதல்வர் Doug Ford கூறியுள்ளார்.
இந்த வார ஆரம்பத்தில் அமெரிக்க ஜனாதிபதியும் Ontario முதல்வரும் ஒருவரை ஒருவர் கடுமையாக விமர்சித்தனர்.
அமெரிக்காவுடனான கனடிய வர்த்தகப் போர் தீவிரமடைந்துள்ள நிலையில் இந்த நிலை தோன்றியுள்ளது.
Donald Trump ஒரு “சர்வாதிகாரி” என Doug Ford கடுமையாகச் சாடினார்.
Donald Trump குறித்த Ontario முதல்வரின் தனிப்பட்ட விமர்சனங்கள் இரு நாடுகளிலும் தொடர்ந்து தலைப்புச் செய்திகளாக இடம்பெற்றன.
பின்னர் CNN, Fox Business, ABC ஆகிய ஊடகங்களுக்கு அளித்த நேர்காணல்களில் Doug Ford தனது கடுமையான விமர்சனங்களை குறைத்து கொண்ட வகையில் பேசினார்.
அமெரிக்க ஜனாதிபதியுடன் பதற்றத்தை தணிக்க வேண்டிய நேரம் இது எனவும் Doug Ford அமெரிக்க ஊடகங்களுடனான செவ்விகளில் கூறிநார்.
ஆனால் Donald Trump குறித்து தனது விமர்சனம் ‘உலகம் முழுவதும் எதிரொலித்தன’ எனவும் ஆழமான தாக்கத்தை ஏற்படுத்தின எனவும் புதன்கிழமை (26) நடைபெற்ற செய்தியாளர் சந்திப்பில் Doug Ford கூறினார்.
Donald Trump குறித்த தனது விமர்சனங்களின் பின்னர் கனடிய பிரதமருடன் தொலைபேசியில் உரையாடியதாகவும் தெரிவித்த Doug Ford, அமெரிக்க ஜனாதிபதி குறித்த விமர்சனங்களை குறைத்துக் கொள்ளுமாறு பிரதமரினால் தன்னிடம் கூறப்படவில்லை எனவும் தெரிவித்தார்.
