அமெரிக்க வர்த்தக ஒப்பந்த முன்மொழிவு விவரங்களை வெளியிடுமாறு கனடிய பிரதமரிடம் Conservative கட்சி கோருகின்றது.
கனடா நிராகரித்த, முன்மொழியப்பட்ட அமெரிக்க வர்த்தகச் சலுகை குறித்த முழு விவரங்களையும் வெளியிடுமாறு Conservative கட்சியினர் அரசாங்கத்தை வலியுறுத்துகின்றனர்.
வர்த்தக அமைச்சர் Dominic LeBlanc-கிற்கு எழுதிய கடிதத்தில், கனடா-அமெரிக்க உறவுகள் குறித்த விமர்சகரான Shuvaloy Majumdar இந்தக் கோரிக்கையை முன் வைத்தார்.
வர்த்தக பேச்சுவார்த்தையில் இருந்து விலகிய கனடிய அரசாங்கத்தின் முடிவை ஆதரிப்பதாக கூறும் Conservative கட்சி உறுப்பினர்கள், முன்வைக்கப்பட்ட சலுகை என்ன என்பது குறித்த தெளிவு இல்லை என கூறுகின்றனர்.
அமெரிக்காவுடனான வர்த்தகப் பேச்சுவார்த்தைகளில் இருந்து விலகிக் கொள்ளும் பிரதமர் Mark Carney வெள்ளிக்கிழமை (21) நள்ளிரவுக்கு முன்னதாக முடிவு செய்தார்.
கனடாவுக்கும் அமெரிக்காவுக்கும் இடையே ஓர் ஒப்பந்தத்தை எட்ட முடியும் என்ற நம்பிக்கை இழந்த நிலையில், பேச்சுவார்த்தைகள் முடங்கின.
இதனால் இரு நாடுகளுக்கும் இடையிலான வர்த்தகப் போர் தீவிரமடைந்தது.
கனடியப் பொருட்கள் மீது அமெரிக்கா சனிக்கிழமை (22) 50 சதவீத வரியை விதித்தது.
இதற்கு பதிலளிக்கும் வகையில், அடுத்த மாதம் பதில் நடவடிக்கை எடுக்க கனடா உறுதியளித்துள்ளது.
இந்த நிலையில் வர்த்தக பேச்சுவார்த்தை குறித்து கட்சித் தலைவர்களுக்கு தகவல் வழங்கப்படவேண்டும் என Bloc Québécois , பசுமை கட்சிகள் வலியுறுத்துகின்றன.
