அமெரிக்காவின் Massachusetts கடற்கரைக்கு அருகில் விபத்துக்குள்ளான Latitude Air Ambulance விமானத்தில் பயணித்து உயிரிழந்த நான்கு கனடியர்களின் விபரங்கள வெளியாகின.
இந்த விமானத்தில் பயணித்த ஆறு பேரில் நான்கு கனடிய விமான ஊழியர்களும் அடங்குகின்றனர்.
இவர்கள்
• Philip Gregory Childerhose – விமானி
• Thomas Henry Farquha – துணை விமானி (Brantford, Ontario)
• Sarah Jane Paton – விமான தாதி ( Niagara, Ontario)
• Jolene Beth Weir – சுவாச சிகிச்சை நிபுணர் (Whitby, Ontario)
என அடையாளம் காணப்பட்டனர்.
Bermuda -வில் இருந்து Boston நோக்கி ஒரு நோயாளி, அவரது மகனை ஏற்றிச் சென்ற இந்த Gulfstream G100 jet விமானம், மின்சாரக் கோளாறு காரணமாக அவசர நிலையை அறிவித்ததைத் தொடர்ந்து கடலில் விழுந்து விபத்துக்குள்ளானது.
இந்த விபத்து நடந்த அன்றே விமானத்தின் சிதைந்த பாகங்கள் கண்டெடுக்கப்பட்டன.
தொடர்ந்து பல நாட்களாக பல ஆயிரம் சதுர மைல் பரப்பளவில் தீவிர தேடுதல் வேட்டை நடத்தப்பட்டு, உயிர் பிழைத்தவர்கள் எவரையும் கண்டறிய முடியாததால், October 4 அன்று அமெரிக்க கடலோர காவல் படை தனது தேடுதல் பணியை அதிகாரப்பூர்வமாக நிறுத்தியது.
அதன் பின்னர், இந்த மின்சாரக் கோளாறு உட்பட விபத்துக்கான துல்லியமான காரணத்தைக் கண்டறியும் புலனாய்வு பணிகள் கனடா, அமெரிக்காவின் போக்குவரத்து பாதுகாப்பு அமைப்புகளிடம் ஒப்படைக்கப்பட்டன.
விபத்துக்குள்ளான இந்த விமானம் Ontario மாகாணத்தின் Hamilton நகரை சேர்ந்த Latitude Air Ambulance நிறுவனத்திற்கு சொந்தமானதாகும்.
