Ottawa நகர முதல்வருக்கான தேர்தலில் தமிழர் வம்சாவளியை சேர்ந்த Neil சரவணமுத்து போட்டியிடுகிறார்.
Ontario மாகாணத்தின் பல்வேறு நகரசபை பதவிகளுக்கான வேட்புமனு தாக்கல் கடந்த May மாதம் அதிகாரபூர்வமாக ஆரம்பித்தது.
பல்வேறு நகரசபை பதவிகளுக்கான தேர்தல் October 26-ஆம் திகதி Ontario மாகாணத்தில் நடைபெறுகிறது.
இதில் Ottawa நகரசபைத் தேர்தல் ஒன்றாகும்.
அங்கு நகர முதல்வர் பதவிக்கு தேர்தலில் போட்டியிட பெயர் பதிவு செய்துள்ள ஏழு வேட்பாளர்களில் Neil சரவணமுத்து ஒருவராவார்.
அவர் தனது வேட்புமனுவை May 1 அன்று தாக்கல் செய்தார்.
Neil சரவணமுத்து இலங்கைத் தமிழர், Scottish ஆகிய கலப்புப் பின்னணியைக் கொண்ட குடும்பத்தைச் சேர்ந்தவராவார்.
இவர், இலங்கை வம்சாவளியைச் சேர்ந்தவரும், Carlton பல்கலைக்கழகத்தின் புகழ்பெற்ற பொறியியல் பேராசிரியருமான மறைந்த Herbert “Herb” சரவணமுத்துவின் புதல்வர் ஆவார்.
Ottawa நகர முதல்வருக்கான பதவிக்கான பிரதான நான்கு வேட்பாளர்களில் Neil சரவணமுத்து ஒருவராக கருதப்படுகிறார்.
இவர் 2022-இல் நகர முதல்வர் பதவிக்காக Catherine McKenney முன்னெடுத்த தோல்வியடைந்த தேர்தல் பிரச்சாரத்தில், நீல் சரவணமுத்து பொருளாதார ஆலோசகராக பணியாற்றினார் என்பது இங்கு குறிப்பிடத்தக்கது.
