Beaches-East York இடைத் தேர்தலில் வெற்றியை உறுதிசெய்ய NDP முயற்சிக்கிறது.
இந்த மாதத்தின் இறுதி நாளன்று நடைபெறும் மூன்று இடைத் தேர்தல்களில் Beaches-East York தொகுதியும் ஒன்றாகும்.
அங்கு நாடாளுமன்ற உறுப்பினராக இருந்த Nate Erskine-Smith கோடை காலத்தில் பதவி விலகிய நிலையில் இந்த இடைத் தேர்தல் நடைபெறுகிறது.
Beaches-East York தொகுதியை முன்னர் பிரதிநிதித்துவப்படுத்திய NDP மீண்டும் அங்கு வெற்றி பெறுவதற்கு தீவிரமாக போராடி வருகிறது.
இந்த நிலையில் Billy Bishop விமான நிலைய விவகாரம், இந்த இடைத் தேர்தலை ‘தற்போதைய சூழலில் மேலும் முக்கியத்துவம் வாய்ந்ததாக’ ஆக்கியுள்ளதாக NDP தலைவர் Avi Lewis கூறுகிறார்.
அங்கு முன்று நிலை அரசுகளுக்கும் இடையிலான கருத்து வேறுபாடு தமக்குச் சாதகமாக அமையும் என Avi Lewis நம்பிக்கை தெரிவித்தார்.
தனது கட்சியின் இடைத்தேர்தல் வேட்பாளர் Shannon Devine-னுடன் இணைந்து இந்த வாரம் அங்கு Avi Lewis பிரச்சாரம் செய்தார்.
Ontario, Quebec, British Colombia ஆகிய மாகாணங்களில் உள்ள மூன்று தொகுதிகளுக்கான இடைத் தேர்தல்களை பிரதமர் Mark Carney அண்மையில் அறிவித்திருந்தார்.
Beaches-East York (Ontario), Chicoutimi-Le Fjord (Quebec), North Vancouver-Capilano (British Colombia) ஆகிய தொகுதிகளின் வாக்காளர்கள் August 31 அன்று இடைத் தேர்தலில் வாக்களிக்கின்றனர்.
Beaches-East York தொகுதி நாடாளுமன்ற உறுப்பினர் பதவியில் இருந்து Nate Erskine-Smith பதவி விலகினார்.
முன்னாள் மத்திய அமைச்சரான இவர், Ontario Liberal கட்சியின் தலைவருக்கான போட்டியில் ஈடுபடத் திட்டமிட்டிருந்தார்.
ஆனால், மாகாண இடைத் தேர்தலுக்கான வேட்பாளர் தேர்வில் தோல்வியடைந்ததால், அவரது அரசியல் எதிர்காலத் திட்டங்கள் குறித்த தெளிவின்மை நிலவுகிறது.
2015-ல் Nate Erskine-Smith போட்டியிட்டதிலிருந்து, இந்தத் தொகுதி Liberal கட்சியின் கோட்டையாக கருதப்படுகிறது.
அன்றில் இருந்து இந்தத் தொகுதியை அக்கட்சி தக்கவைத்து வருகிறது.
ஆனால், 2011-ல் NDP வெற்றி பெற்றதில் இருந்து இந்தத் தொகுதி அந்தக் கட்சியின் வசம் இருந்தது.
இம்முறை இடைத் தேர்தலில் Liberal கட்சி வேட்பாளராக Tanveer Shahnawaz, Conservative கட்சியின் வேட்பாளராக Jim Syrbos, NDP வேட்பாளராக Shannon Devine ஆகியோர் போட்டியிடுகின்றனர்.
தவிரவும் அங்கு கனடாவின் மக்கள் கட்சி (People’s Party of Canada) சார்பில் Michel Lachance, பசுமை கட்சியின் சார்பில் Bruce Livesey, கனடிய எதிர்கால கட்சி (Canadian Future Party ) சார்பில் Cameron Thomas ஆகியோர் போட்டியிடுவது கனடிய தேர்தல் திணைக்களத்தில்
உறுதிப்படுத்தப்பட்டுள்ளது.
