வர்த்தகப் பேச்சுவார்த்தைகளில் துருப்பு சீட்டாக எரிசக்தியை பயன்படுத்துவது ஆபத்து?

அமெரிக்க வர்த்தகப் பேச்சுவார்த்தைகளில் துருப்பு சீட்டாக எரிசக்தியை கனடா பயன்படுத்துவதன் ஆபத்து குறித்து கனடிய பிரதமர் எச்சரித்தார்.

அமெரிக்க வர்த்தகப் பேச்சுவார்த்தைகளில் எரிசக்தியை ஒரு பேராயுதமாகப் பயன்படுத்துவதில் எந்தப் பயனும் இருப்பதாகத் தான் கருதவில்லை எனவும் Mark Carney கூறுகிறார்.

நம்பகமான விநியோகஸ்தராக இருப்பதன் அவசியத்தை பிரதமர் Mark Carney வலியுறுத்தினார்.

அமெரிக்காவுடனான வர்த்தகப் பேச்சுவார்த்தைகளில் கனடா தனது எரிசக்தி ஏற்றுமதியை துருப்பு சீட்டாக பயன்படுத்த ஆரம்பித்தால், நம்பகமான விநியோகஸ்தர் என்ற அதன் நற்பெயருக்கு பாதிப்பு ஏற்படக்கூடும் என பிரதமர் குறிப்பிடுகிறார்.

வர்த்தகப் பேச்சுவார்த்தைகளில் ஒரு பேரம் பேசும் கருவியாக, அமெரிக்காவிற்கான எரிசக்தி ஏற்றுமதியை கட்டுப்படுத்துவது குறித்த சாத்தியக்கூறு குறித்து பிரதமரிடம் செய்தியாளர்கள் கேள்வி எழுப்பினார்.

அமெரிக்கா அச்சுறுத்தியுள்ள புதிய வரிக் கட்டணங்களுக்கு எதிராக, முக்கியமான எரிசக்தி ஏற்றுமதிகளை ஒரு பேராயுதமாக பயன்படுத்த கனடா முனைந்தால், கனடாவால் அமெரிக்காவை “நிலைகுலைய வைக்க” முடியும் என Ontario மாகாண முதல்வர் Doug Ford கடந்த வாரம் தெரிவித்திருந்தார்.

ஆனாலும் இந்த அணுகுமுறையை ஆதரிக்காத Mark Carney,  நம்பகமான விநியோகஸ்தர் என்ற கனடாவின் நிலை முக்கியமானதாக இருக்கலாம் என கூறினார்.

கனடா-அமெரிக்க வர்த்தக அமைச்சர், கனடாவின் தலைமை வர்த்தகப் பேச்சுவார்த்தையாளருடன் இணைந்து அமெரிக்காவில் சந்திப்புகளை முன்னெடுத்துவரும் நிலையில் கனடிய பிரதமரின் இந்தக் கருத்து வெளியானது.

August 19 அன்று கனடியப் பொருட்கள் பலவற்றின் மீது Donald Trump நிர்வாகத்தின் 50 சதவீத புதிய வரி விதிப்பு நடைமுறைக்கு வருவதற்கு சில வாரங்களுக்கு முன்னர் இந்தக் கருத்து வெளியாகி உள்ளது.