Doug Ford அமைச்சரவையிலிருந்து Stan Cho பதவி விலகினார்.
Progressive Conservative அரசாங்கத்தின் சட்டமன்ற உறுப்பினர்கள் பலர் Toronto-வில் தங்குவதற்காக விடுதிகளுக்கு பல்லாயிரக்கணக்கான டொலர்களை செலவு செய்தது அண்மையில் வெளிச்சத்திற்கு வந்தது.
இந்த நிலையில் சுற்றுலா, கலாச்சாரம், சூதாட்டத்துறை அமைச்சர் Stan Cho முதல்வர் Doug Ford அமைச்சரவையில் இருந்து விலகியுள்ளார்.
Toronto-வில் இரவு தங்கியதற்கான தங்குமிட செலவுகளைக் கோரியதன் மூலம் தான் “ஒரு தவறு” செய்துவிட்டதாக தனது பதவி விலகல் கடிதத்தில் அவர் கூறினார்.
வெள்ளிக்கிழமை (17) வெளியிடப்பட்ட பதவி விலகல் கடிதத்தில், தனது முடிவு உடனடியாக அமுலுக்கு வருவதாக Stan Cho தெரிவித்தார்.
Ontario மாகாணத்தை மேம்படுத்துவதற்கான Progressive Conservative அரசாங்கத்தின் திட்டங்களுக்கு தான் ஒரு கவனச் சிதறலாக இருக்க விரும்பாததால், அதற்கான முழுப் பொறுப்பையும் தான் ஏற்றுக் கொள்வதாக அவர் தனது பதவி விலகல் கடிதத்தில் கூறினார்.
இந்தச் செலவுகளைத் தான் தனிப்பட்ட முறையில் முழுமையாக திருப்பிச் செலுத்தி உள்ளதாகவும் Stan Cho மேலும் கூறினார்.
இந்த பதவி விலகலை ஏற்றுக் கொண்டதாகவும், தனது தவறுக்கு Stan Cho பொறுப்பேற்றதற்கு அவருக்கு நன்றி தெரிவிப்பதாகவும் Doug Ford வெள்ளியன்று வெளியிட்ட அறிக்கை ஒன்றில் தெரிவித்துள்ளார்.
“அவர் தனது தவறை ஒப்புக்கொண்டு அதற்கான பொறுப்பை ஏற்றுக் கொண்டுள்ளார் எனத் தெரிவித்த Doug Ford. Willowdale தொகுதி மக்களுக்கு மாகாணசபை உறுப்பினராக அவர் தொடர்ந்து பணியாற்றுவார்,” என அந்த அறிக்கையில் கூறினார்.
Doug Downey தற்காலிக அடிப்படையில் கூடுதல் அமைச்சரவைப் பொறுப்புகளை ஏற்கவுள்ளார் எனவும் Doug Ford அறிவித்தார்.
மாகாண சபைக்கு சென்று வரக்கூடிய தூரத்தில் வசித்த போதிலும், Toronto பெரும்பாக பகுதியைச் சேர்ந்த பல Progressive Conservative கட்சி சட்டமன்ற உறுப்பினர்கள், வரி செலுத்துவோர் நிதியளித்த விடுதி செலவுகளைக் கோரியதாக அறிக்கைகள் வெளிப்படுத்திய சில தினங்களுக்கு பின்னர் இந்த பதவி விலகல் நிகழ்ந்துள்ளது.
நீண்டகாலமாக நடைமுறையில் இருந்த இந்த செலவு தொடர்பான விதியை நீக்குவதாக அறிவிக்க முதல்வர் Doug Ford அரசாங்கத்தைத் தூண்டியது.
இந்த செலவுகள் “முற்றிலும் ஏற்றுக்கொள்ள முடியாதவை” என பகிரங்கமாக கண்டித்து, அதனால் பலனடைந்த சட்டமன்ற உறுப்பினர்கள் இந்த செலவுகளை முழுமையாக திருப்பிச் செலுத்துவார்கள் என Doug Ford கூறிய மறு தினம் இந்த பதவி விலகல் அறிவித்தல் வெளியானது நிகழ்ந்துள்ளது.
அமைச்சர் Stan Cho, 2023 முதல் 2026 வரையிலான காலத்தில் Toronto-வில் தங்குவதற்காக விடுதிகளுக்கு $16,203 செலவிட்டார்.
விடுதிகளில் தங்குவதற்காக 2023-24-இல் சுமார் $1,400, அடுத்த ஆண்டில் சுமார் $3,000 , 2025-26-இல் சுமார் $11,700 என அமைச்சர் செலவிட்டுள்ளார்.
இவர் மாகாண சபையில் இருந்து ஆறு KM தொலைவில் வசித்து வருகிறார்.
அமைச்சர் Stan Cho, subway வழித்தடங்களை மாற்றாமலே தனது தொகுதியில் இருந்து மாகாணசபை வரை செல்ல முடியும் என NDP தலைவர் Marit Stiles ஒரு அறிக்கையில் நினைவுபடுத்தி இருந்தார்.
Stan Cho தவிர Brampton கிழக்கு மாகாணசபை உறுப்பினர் Hardeep Grewal 2023-ஆம் ஆண்டு முதல் Toronto விடுதிகளுக்காக $27,000-க்கும் அதிகமாக செலவு செய்துல்லார்.
Mississauga-Streetsville தொகுதியை பிரதிநிதித்துவப்படுத்தும் சிறு வணிகத்துறை இணை அமைச்சர் Nina Tangri $19,000-க்கும் அதிகமாக விடுதிகளுக்காக செலவுகளை பெற்றுள்ளார்.
அதேவேளையில், இணை அமைச்சரும், Brampton மத்திய தொகுதியின் மாகாணசபை உறுப்பினருமான Charmaine Williams, $15,000-க்கும் அதிகமாக விடுதி செலவுகளை பெற்றுள்ளார்.
இந்த நிலையில் Doug Ford அமைச்சரவையில் உள்ள ஏனைய அமைச்சர்கள் பதவி விலக திட்டமிட்டுள்ளனரா என்பது குறித்து இதுவரை எந்தத் தகவலும் வெளியாகவில்லை.
