மேலவைக்கு (Senate) தனது முதன்மைச் செயலாளர் நியமனத்தை பிரதமர் Mark Carney நியாயப்படுத்தினார்.
பல்வேறு துறைகளில் நிபுணத்துவம் வாய்ந்த நபர்களை கொண்டிருப்பது மேலவைக்கு அவசியமானது என அவர் கூறினார்.
கனடிய பிரதமரின் முதன்மைச் செயலாளர் Tom Pitfield இந்த வாரம் மேலவைக்கு நியமிக்கப்பட்டார்.
நீண்டகால Liberal கட்சி வியூகவாளரான Tom Pitfield (செவ்வாய்க்கிழமை) அறிவிக்கப்பட்ட நான்கு புதிய மேலவை நியமனங்களில் ஒருவர் ஆவார்.
தொழில்நுட்பம் குறித்த ஆழ்ந்த அறிவை கொண்ட ஒரு தொழில்முனைவோர், கொடையாளர் Tom Pitfield என Mark Carney, துருக்கியில் நடைபெற்ற NATO உச்சிமாநாட்டின் செய்தியாளர்களிடம் பேசும் போது கூறினார்.
மேலவையை ஒட்டுமொத்தமாகவும், அங்குள்ள திறன்கள் எத்தகையவை என்பதையும் கருத்தில் கொள்கிறோம் என பிரதமர் தெரிவித்தார்
அரசாங்கம், சட்டம் இயற்றும் நடைமுறைகள் குறித்த பரிச்சயம் பிரதானமாக இருத்தல் அவசியமாகும் போதிலும், வேறு சில முக்கியத் திறன்களின் அவசியத்தையும் அவர் வலியுறுத்தினார்.
முன்னாள் பிரதமர் Justin Trudeau அறிமுகப்படுத்திய கட்சி சார்பற்ற தன்மையை கோரும் விதி நீக்கப்படுவது உட்பட, மேலவை உறுப்பினர் தேர்வு முறையில் மேற்கொள்ளப்படும் மாற்றங்களை Mark Carney செவ்வாயன்று அறிவித்தார்.
Tom Pitfield தவிர Quebec மாகாண Conservative நாடாளுமன்ற உறுப்பினர் Richard Martel, New Brunswick மாகாண புற்றுநோய் ஆராய்ச்சியாளர் Dr. Rodney Ouellette, Manitoba மாகாண கணக்காளர் Geeta Tucker ஆகியோர் இந்த வாரம் மேலவை பதவிக்கு பிரதமரினால் நியமிக்கப்பட்டனர்.
