Toronto நகர முதல்வர் பதவிக்கான போட்டியில் தனது பிரதான எதிர் வேட்பாளரை விட Olivia Chow தொடர்ந்து மக்கள் ஆதரவில் முன்னிலையில் உள்ளார்.
புதிய கருத்துக் கணிப்பின்படி, Toronto நகர முதல்வர் பதவிக்கான தேர்தலில், நகரசபை உறுப்பினர் Brad Bradford-டை விட நகர முதல்வர் Olivia Chow தொடர்ந்து முன்னிலை வகிக்கிறார்.
இருப்பினும் கடந்த May மாதத்திலிருந்து Brad Bradford அதிகரித்த ஆதரவைப் பெற்று வருகிறார்.
இப்போது தேர்தல் நடத்தப்பட்டால், வாக்களிக்கத் தீர்மானித்த, ஒரு குறிப்பிட்ட வேட்பாளரை ஆதரிக்க சாய்வுடைய வாக்காளர்களிடையே Olivia Chow 49 சதவீத ஆதரவைப் பெறுவார் என அந்த கருத்துக் கணிப்பு கண்டறிந்துள்ளது.
Brad Bradford-டின் ஆதரவு நிலை 40 சதவீதமாக உள்ளது.
சுமார் 10 சதவீதம் பேர் வேறொரு வேட்பாளருக்கு வாக்களிப்பதாக கூறினர்.
கருத்து கணிப்பில் முன்னிலை வகித்த போதிலும், Olivia Chow சற்று பின்னடைவை சந்தித்துள்ளார்.
May மாதம் நடத்தப்பட்ட கருத்துக் கணிப்பில் அவர் முடிவெடுத்த வாக்காளர்களிடையே 50 சதவீத ஆதரவைப் பெற்றிருந்தார்.
அந்த நேரம் Brad Bradford 37 சதவீத ஆதரவையும், ஏனைய வேட்பாளர்கள் 13 சதவீத ஆதரவையும் பெற்றிருந்தனர் என்பது குறிப்பிடத்தக்கது.
