NATO உச்சி மாநாட்டில் பங்கேற்பதற்காக கனடிய பிரதமர் துருக்கி பயணமாகிறார்.
திங்கட்கிழமை (06) துருக்கி பயணமாகும் Mark Carney இரண்டு நாள் NATO உச்சி மாநாட்டில் பங்கேற்கிறார்.
NATO உச்சி மாநாடு, அண்மையில் France-சில் நடைபெற்ற G7 உச்சி மாநாட்டைத் தொடர்ந்து நடைபெறுகிறது.
பாதுகாப்புத் துறைக்கான நிதி பங்களிப்பு குறித்த விவாதத்தில் Mark Carney பங்கேற்பார் என கனடிய அதிகாரிகள் தெரிவித்தனர்.
பாதுகாப்புச் செலவினங்களை அதிகரிப்பதில் கனடா அடைந்துள்ள முன்னேற்றம் குறித்தும் இந்த உச்சி மாநாட்டில் அவர் எடுத்துரைப்பார் என கனடிய அதிகாரிகள் கூறினர்.
கனடிய பிரதமரின் இருதரப்பு சந்திப்புகளுக்கான அட்டவணை இன்னும் இறுதி செய்யப்படவில்லை என அதிகாரிகள் வெள்ளிக்கிழமை (03) தெரிவித்தனர்.
2015-ஆம் ஆண்டின் பின்னர் கனடிய பிரதமர் ஒருவர் துருக்கி பயணமாவது இது முதல் தடவையாகும்.
NATO உச்சி மாநாட்டின் பின்னர் Mark Carney சவுதி அரேபியாவுக்கும் ஒரு குறுகிய காலப் பயணத்தை முன்னெடுக்க திட்டமிட்டுள்ளார்.
சவுதி அரேபியா பயணம் வர்த்தகம், முதலீடு உறவுகளை வலுப்படுத்துவதை நோக்கமாகக் கொண்டதாக அமையும் என கனடிய பிரதமர் அலுவலகம் தெரிவித்தது.
