அமெரிக்க மதுபானங்கள் அடுத்த ஆண்டு கனடிய மதுபானக் கடைகளில் விற்பனையாக வேண்டும் என கனடாவுக்கான அமெரிக்கத் தூதர் விருப்பம் தெரிவித்தார்.
தலைநகர் Ottawa-வில் நடைபெற்ற அமெரிக்காவின் சுதந்திர தின கொண்டாட்டத்தில், கனடாவுக்கான அமெரிக்கத் தூதர் Pete Hoekstra உரையாற்றினார்.
தனது உரையில், அடுத்த சுதந்திர தின விருந்துக்குள்ளாக கனடிய மதுபானக் கடைகளில் அமெரிக்க மதுபானங்களை மீண்டும் இடம்பெறச் செய்வதை ஒரு இலக்காக Pete Hoekstra நிர்ணயித்தார்.
அமெரிக்கா கனடா இடையிலான நட்புறவுவுக்காகவும் அவர் வாழ்த்து தெரிவித்தார்.
Gordie Howe சர்வதேசப் பாலத்தைத் திறப்பதில் ஏற்பட்டுள்ள தாமதம், இறக்குமதி வரிகள் உள்ளிட்ட இரு நாடுகளுக்கும் இடையிலான தற்போதைய சில விவகாரங்கள் குறித்து Pete Hoekstra தனது உரையில் குறிப்பிட்டார்.
