கனடா தின கொண்டாட்டங்களின் போது அனுமதியற்ற பட்டாசுகள் வெடிக்க அனுமதிக்கப்படாது என Toronto காவல்துறையினர் தெரிவித்துள்ளனர்.
Toronto காவல்துறையினர் Ashbridges Bay, Woodbine Beach போன்ற பிரபலமான இடங்களில் கனடா தினக் கொண்டாட்டங்களுக்கான பாதுகாப்பு ஏற்பாடுகளை முன்னெடுக்கின்றனர்.
July 1 அன்று இந்த இரண்டு இடங்களில் இருந்தும் காணக்கூடிய வகையில் வாணவேடிக்கை நிகழ்ச்சி நடத்தப்பட இருந்தாலும், பார்வையாளர்கள் பொது இடங்களுக்கு தாங்களாகவே வாணவேடிக்கை பொருட்களைக் கொண்டு வருவதை அனுமதிக்க முடியாது என காவல்துறை தெரிவித்துள்ளது.
Victoria தின கொண்டாட்டங்களின் போது ஏற்பட்ட அனுமதியற்ற பட்டாசுகள் குறித்த குற்றச்சாட்டுகளை தொடர்ந்து இந்த எச்சரிக்கை விடுக்கப்பட்டுள்ளது.
Victoria தினக் கொண்டாட்டத்தின் போது, Ashbridges Bay பகுதியில் ஐந்து பேர் கைது செய்யப்பட்டதாக Toronto காவல்துறை செய்தித் தொடர்பாளர் தெரிவித்தார்.
இதன் காரணமாக Ashbridges Bay பூங்கா முன்கூட்டியே அதிகாரிகளினால் மூடப்பட்டது.
அங்கு அனுமதியின்றி பட்டாசுகள் பயன்படுத்தியதற்காக இருவர் கைது செய்யப்பட்டனர்.
Toronto-வில் பொது பூங்காக்கள், கடற்கரைகள், தெருக்கள், வாகன நிறுத்துமிடங்களில் பட்டாசுகளை வெடிக்க தடை விதிக்கப்பட்டுள்ளது குறிப்பிடத்தக்கது.
