உலகக் கோப்பை பார்வையாளர்களின் வருகையாளர் நுழைவு (Visa) விண்ணப்பங்களில் பாதிக்கும் மேற்பட்டவற்றை கனடிய குடிவரவுத்துறை நிராகரித்துள்ளது.
2026-ஆம் ஆண்டு ஆண்கள் FIFA உலகக் கோப்பை தொடர் ஆட்டங்களை கனடாவில் பார்வையிடுவதற்காக ஆயிரக்கணக்கான கால்பந்து இரசிகர்கள் நுழைவு அனுமதி கோரி விண்ணப்பித்த போதிலும் அவர்களில் பாதிக்கும் குறைவானவர்களுக்கு மாத்திரமே அனுமதி வழங்கப்பட்டுள்ளது.
இம்முறை பெரும்பாலான விண்ணப்பங்கள் Ghana-விலிருந்து கிடைக்கப் பெற்றதாக கனடிய குடிவரவு, அகதிகள், குடியுரிமை துறை (IRCC) தெரிவித்தது.
Ghana கால்பந்து இரசிகர்களிடமிருந்து கனடா குறைந்தபட்சம் 1,725 வருகையாளர் நுழைவிட விண்ணப்பங்களைப் பரிசீலித்துளளது.
இருந்த போதிலும் அவற்றில் 11 சதவீதத்திற்கும் சற்றுக் குறைவானவையே அங்கீகரிக்கப்பட்டன.
June 17 அன்று Toronto-வில் Panama அணிக்கு எதிரான போட்டியில் Ghana வெற்றி பெற்றது குறிப்பிடத்தக்கது.
ஆனாலும் Colombia இரசிகர்களுக்கு நிலைமை வேறாக இருந்தது.
தென் அமெரிக்க நாடான Colombia அணி கனடாவில் எந்தக் குழு நிலை போட்டிகளில் விளையாடவில்லை.
இருந்த போதிலும் அங்கிருந்து கிடைக்கப் பெற்ற 1,630 அனுமதி விண்ணப்பங்கள் பரிசீலிக்கப்பட்டு, அவற்றில் 69 சதவீதம் அங்கீகரிக்கப்பட்டதாக தெரிவிக்கப்படுகிறது.
2025 November 14 முதல் இந்த ஆண்டின் March 31 வரையிலான காலப்பகுதியை உள்ளடக்கிய காலகட்டத்தில், 160-க்கும் மேற்பட்ட நாடுகள், பிரதேசங்களைச் சேர்ந்த கால்பந்து இரசிகர்களிடமிருந்து பெறப்பட்ட சுமார் 17,000 வருகையாளர் விண்ணப்பங்களை கனடிய குடிவரவுத்துறை பரிசீலித்தது.
அவர்களில் 41 சதவீதம் பேருக்கு மட்டுமே நாட்டிற்குள் நுழைய அனுமதி வழங்கப்பட்டது.
கனடியர்களின் பாதுகாப்பிற்கு எவ்வித பாதிப்பும் ஏற்படாத வகையில், கனடாவிற்கான கால்பந்து இரகசியர்களின் பயணத்தை முடிந்தவரை எளிதாகவும், சுமூகமாகவும் அமைத்திடவும் FIFA உட்பட அனைத்து பங்காளிகளுடன் இணைந்து பணியாற்றி வருவதாக IRCC பேச்சாளர் ஒரு அறிக்கையில் தெரிவித்தார்.
இம்முறை Australia, Germany, Croatia, New Zealand போன்ற பல மின்னணு பயண அனுமதி (eTA) தேவைப்படும் நாடுகளைச் சேர்ந்த குடிமக்களின் வருகைக்கான அனைத்து விண்ணப்பங்களும் அங்கீகரிக்கப்பட்டன.
Syria, Uganda, இலங்கை உட்பட நுழைவு அனுமதி தேவைப்படும் ஏனைய அனைவரின் விண்ணப்பங்களும் நிராகரிக்கப்பட்டன.
இந்த நிலையில் கனடாவிற்குள் நுழைய மின்னணு பயண அனுமதி தேவைப்படும் நாடுகளின் குடிமக்களுக்கு, ஒப்புதல் விகிதம் 96 சதவீதமாக இருந்தது.
நுழைவு அனுமதி தேவைப்படுபவர்கள் 32 சதவீதத்தினருக்கு ஒப்புதல் நிராகரிக்கப்பட்டுள்ளது.
2026 FIFA உலகக் கோப்பை தொடரில் கனடாவில் Toronto, Vancouver நகரங்களிலும் அமெரிக்கா, மெக்சிகோ முழுவதும் உள்ள பல நகரங்களில் போட்டிகள் நடைபெறுகின்றன.
