பெரும்பாலான கனடியர்கள் அமெரிக்காவைத் தொடர்ந்து சாதகமற்ற கண்ணோட்டத்திலேயே நோக்குகின்றனர் என புதிய கருத்துக் கணிப்பொன்று தெரிவிக்கிறது.
Donald Trump தலைமையிலான அமெரிக்காவின் மீதான உலகளாவிய நம்பிக்கை தொடர்ந்து சரிந்து வரும் நிலையில் பெரும்பாலான கனடியர்கள் அமெரிக்காவைத் தொடர்ந்து சாதகமற்ற கண்ணோட்டத்திலேயே நோக்குகின்றனர் என Pew ஆராய்ச்சி மையம் நடத்திய புதிய கருத்துக் கணிப்பு குறிப்பிடுகிறது.
தமது ஆய்வின் ஏறக்குறைய அனைத்து அளவீட்டிலும், கனடியர்கள் அமெரிக்கா மீது விமர்சனக் கருத்துக்களைக் கொண்டுள்ளனர் என்பதை காண முடிவதாக Pew ஆராய்ச்சி மையம் கூறியது.
கனடியர்கள் 33 சதவீதம் பேர் மட்டுமே அமெரிக்காவை சாதகமாக நோக்குவதாக இந்தக் கருத்துக் கணிப்பு கண்டறிந்துள்ளது.
இது 2025-ல் இருந்த 34 சதவீதத்திலிருந்து குறைந்திருப்பதும், 2024-ல் இதே கேள்வி கேட்கப்பட்டபோது பதிவான 54 சதவீதத்திலிருந்து ஒரு பெரும் சரிவுமாகும்.
இந்த ஆய்வின்படி, கணக்கெடுக்கப்பட்ட கனடியர்கள் 35 சதவீதம் பேர் மட்டுமே அமெரிக்கா ஒரு நம்பகமான கூட்டாளி என கூறியுள்ளனர்.
இந்த எண்ணிக்கை 2022-ல் நடத்தப்பட்ட இதேபோன்ற கணக்கெடுப்பில் 83 சதவீதமாக இருந்தது.
தொடர் வரிகள், கனடாவை அமெரிக்காவின் 51-வது மாநிலமாக மாற்றுவது குறித்த அச்சுறுத்தல்கள் மூலம் கனடா-அமெரிக்க உறவை Donald Trump பலமிழக்க செய்துள்ளார்.
