FIFA உலகக் கோப்பை குழுவில் வெற்றி பெறும் நிலையில் கனடா உள்ளது.
சுவிட்சர்லாந்துக்கு எதிரான போட்டியில் வெற்றி பெற்றால் அல்லது சமன் செய்தால் கனடாவின் ஆண்கள் அணி B பிரிவை வெல்லக்கூடிய சாத்தியக்கூறு தோன்றியுள்ளது.
FIFA குழுநிலை போட்டிகளில் தனது மூன்றாவதும் இறுதியுமான ஆட்டத்தில் கனடா களம் இறங்குகிறது.
இந்த ஆட்டம் புதன்கிழமை (24) சுவிட்சர்லாந்து அணிக்கு எதிராக Vancouver நகரில் நடைபெறுகிறது.
கனடிய அணி காலிறுதிக்கு முந்தைய சுற்றுக்கு முன்னேறுவதற்கு 99 சதவீதத்திற்கும் அதிகமான வாய்ப்பைக் கொண்டுள்ள நிலையில் இந்த ஆட்டம் நடைபெறுகிறது.
கடந்த வாரம் நடைபெற்ற போட்டியில் Qatar அணியை 6-0 என்ற goal கணக்கில் கனடா வீழ்த்தியது.
சுவிட்சர்லாந்து அணிக்கு எதிரான ஆட்டத்தில் நுழையும்போது, goal வித்தியாசத்தின் அடிப்படையில் கனடா B பிரிவில் முதலிடத்தில் உள்ளது.
இந்த ஆட்டத்தில் வெற்றி பெற்றாலும் அல்லது சமன் செய்தாலும் கனடா தனது பிரிவில் முதலிடத்தை உறுதி செய்யும் என்பது இங்கு குறிப்பிடத்தக்கது.
இம்முறை உலகக் கோப்பை தொடரில் ஒரு ஆட்டத்தில் வெற்றி பெற்றதன் மூலம் இந்த கனடா ஏற்கனவே வரலாறு படைத்துள்ளது.
