பணியின்போது உயிரிழந்த இரண்டு காவல்துறை அதிகாரிகளுக்கு Toronto Blue Jays அணி ஒரு நிமிட மௌன அஞ்சலி செலுத்தியது.
New York Yankees அணிக்கு எதிரான தங்களது வெள்ளிக்கிழமை (12) இரவு ஆட்டத்திற்கு முன்னர், Blue Jays அணி இந்த வாரம் பணியின்போது உயிரிழந்த இரண்டு காவல்துறை அதிகாரிகளுக்கு அஞ்சலி செலுத்தினர்.
Rogers மைதானத்தில் கூடியிருந்தவர்கள் ஒரு நிமிடம் மௌன அஞ்சலி செலுத்தியபோது, Ontario மாகாண காவல்துறை Const. Tarun Bali, Toronto காவல்துறை Const. Marc Pinizzotto ஆகியோரின் புகைப்படங்கள் அங்கிருந்த பெருந்திரையில் காட்டப்பட்டன.
இரு அதிகாரிகளின் சேவையையும் தியாகத்தையும் “அங்கீகரித்து கௌரவித்ததற்காக” Blue Jays அணிக்கு Toronto காவல்துறை நன்றி தெரிவித்தது.
செவ்வாய்க்கிழமை (09) வடக்கு Ontario-வில் ஒரு வாகனத்தை நிறுத்த முயன்ற போது, Tarun Bali மீது வாகனம் மோதி அவர் உயிரிழந்தார்.
Toronto அமெரிக்க துணைத் தூதரகம் உட்பட நகரில் நடந்த பல துப்பாக்கிச் சூடுகள் தொடர்பாக பிறப்பிக்கப்பட்ட ஐந்து தேடுதல் ஆணைகளில் ஒன்றை வியாழக்கிழமை (11) செயல்படுத்திக் கொண்டிருந்தபோது, ஒரு அடுக்குமாடிக் கட்டிடத்தில் Marc Pinizzotto சுட்டுக் கொல்லப்பட்டார்.
