புதிய Windsor-Detroit மேம்பாலத்திற்கான திறப்பு விழா வெள்ளிக்கிழமை (12) நடைபெறும் என எதிர்பார்க்கப்படுகிறது.
ஆனால் அதிகாரப்பூர்வமாக திறப்பு விழாவுக்கான திகதி அறிவிக்கப்படவில்லை.
Gordie Howe சர்வதேச பாலம் என பெயரிடப்பட்டுள்ள இந்த மேம்பாலம் கனடாவையும், அமெரிக்காவையும் இணைக்கிறது.
அமெரிக்காவின் Michigan மாநிலத்தையும் கனடாவின் Ontario மாகாணத்தையும் இணைக்கும் $6.4 பில்லியன் மதிப்பிலான இந்த மேம்பால திட்டத்தின் எட்டு ஆண்டுகால கட்டுமானப் பணிகள் நிறைவடைவதை இந்த விழா குறிக்கிறது.
இறுதி ஒப்புதல்கள் கிடைத்தவுடன், எல்லை தாண்டிய வர்த்தகம், பயணத்திற்கு உதவ தங்களிடம் போதுமான பணியாளர்கள் தயாராக இருப்பதாக கடந்த வாரம் அமெரிக்க சுங்க மற்றும் எல்லை பாதுகாப்பு அதிகாரிகள் தெரிவித்தனர்.
இந்த நிலையில் சோதனை பணிகளும், மேம்பாலத்தை செயல்பாட்டுக்குக் கொண்டு வரும் பணிகளும் தொடர்வதாக Windsor-Detroit பால ஆணையம் தொடர்ந்து கூறிவருகிறது.
இந்த திறப்பு விழா குறித்து தமக்கு தெரிவிக்கப்படவில்லை என Windsor நகர முதல்வர் தெரிவித்தார்.
