வேலையற்றோர் விகிதம் 6.6 சதவீதமாக குறைந்தது.
May மாதத்திற்கான வேலையற்றோர் விகித அறிக்கை வெளியானது.
கனடிய புள்ளி விபரத் திணைக்களம் வெள்ளிக்கிழமை (05) வெளியிட்ட அறிக்கையின் படி 88,000 புதிய வேலை வாய்ப்புகள உருவாக்கப்பட்டுள்ளது.
May மாதத்தில் பதிவாகியுள்ள எதிர்பாராத விதமான வேலை வாய்ப்புகள் அதிகரிப்பு மூலம் தொழிலாளர் சந்தை மீண்டெழுந்துள்ளது என புள்ளி விபரத் திணைக்களம் தெரிவித்தது. .
இந்த ஆண்டின் ஆரம்பத்தில் இருந்து வேலைவாய்ப்பில் ஏற்பட்ட பெரிய சரிவை இது ஓரளவு ஈடுசெய்கிறது எனவும் புள்ளிவிபரத் திணைக்களம் தெரிவித்தது.
April மாதத்தில் 6.9 சதவீதமாக இருந்த வேலையற்றோர் விகிதம், May மாதத்தில் 6.6 சதவீதமாக குறைந்துள்ளது குறிப்பிடத்தக்கது.
November 2025-க்குப் பின்னர் May மாதத்தில் ஏற்பட்ட வேலைவாய்ப்பு அதிகரிப்பு, குறிப்பிடத்தக்க அதிகரிப்பு என புள்ளிவிபரத் திணைக்களம் கூறியது.
2026 -ஆம் ஆண்டின் முதல் நான்கு மாதங்களில் 112,000 நிகர வேலை வாய்ப்புகள இழக்கப்பட்டது.
பொருளாதார வல்லுநர்கள், May மாதத்தில் 10,000 வேலை வாய்ப்புகள் என்ற மிதமான வளர்ச்சி இருக்கும் எனவும், வேலையற்றோர் விகிதம் நிலையாக இருக்கும் எனவும் பரவலாக எதிர்பார்த்திருந்தனர்.
கடந்த மாத வளர்ச்சி முழுநேரப் பணிகளில் குவிந்திருந்தது எனவும், அது அனைத்து தொழில் துறைகளிலும் பரவலாக இருந்தது எனவும் புள்ளிவிபரத் திணைக்களம் கூறியது.
April மாதத்தில் 4.5 சதவீதமாக இருந்த சராசரி ஒரு மணி நேர ஊதியம், May மாதத்தில் மூன்று சதவீதம் உயர்ந்தது.
2025-ல் நிலவிய கடினமான தொழிலாளர் சந்தையுடன் ஒப்பிடுகையில், இந்த ஆண்டு கோடைக்கால வேலைவாய்ப்புப் பருவம் இளைஞர்களுக்கு சிறந்த ஆரம்பமாக அமைந்துள்ளது என புள்ளிவிபரத் திணைக்களம் தெரிவித்துள்ளது.
கனடிய மத்திய வங்கி தனது அடிப்படை வட்டி விகிதத்தை, தொடர்ச்சியாக நான்கு முடிவுகளில் 2.25 சதவீதமாக நிலையாக வைத்துள்ள நிலையில் இந்த வேலையற்றோர் விகித அறிவித்தல் வெளியானது.
