Toronto நகரத்திலிருந்து Gardiner விரைவுச்சாலை, Don Valley Parkway ஆகியவற்றை பொறுப்பேற்கும் பணி அடுத்த ஆண்டு இறுதியில் நிறைவடையும் என Ontario முதல்வர் தெரிவித்துள்ளார்.
Toronto நகரத்துடன் Ontario அரசாங்கம் செய்து கொண்ட புதிய ஒப்பந்தத்தின் ஒரு பகுதியாக, 2027-ஆம் ஆண்டு இலையுதிர் காலத்தில் Gardiner விரைவுச்சாலை, Don Valley Parkway ஆகியவற்றின் உரிமையை மாகாண அரசாங்கம் அதிகாரப்பூர்வமாக ஏற்கிறது.
இந்த அறிவித்தலை முதல்வர் Doug Ford வியாழக்கிழமை (04) தெரிவித்தார்.
அதுவரையிலும், நெடுஞ்சாலைகளைத் தொடர்ந்து இயக்கிப் பராமரிப்பதற்காக மாகாணம் நகரத்திற்கு $350 மில்லியன் வழங்கும் என அவர் கூறினார்.
இந்த நெடுஞ்சாலைகள் Toronto குடியிருப்பாளர்கள் மட்டுமல்லாமல், GTA முழுவதிலும் உள்ள மக்களால் பயன்படுத்தப்படும் பிராந்திய சாலைகள் என்பதால், இந்த பெறுப்பேற்பு அர்த்தமுள்ளதாக இருக்கிறது என Toronto நகர முதல்வர் Olivia Chow கூறினார்.
Toronto காவல்துறையிடமிருந்து இந்த நெடுஞ்சாலையின் காவல் பணியை OPP ஏற்றுக்கொள்வதற்கான திட்டங்கள் உள்ளன எனவும் கூறப்படுகிறது.
ஆனாலும் இந்த மாற்றத்திற்கான திகதி எதுவும் வழங்கப்படவில்லை.
