Ontario-வில் முன்னெடுக்கப்பட்ட 2 தனித்தனி வாகனத் திருட்டு விசாரணைகளில் நான்கு சந்தேக நபர்கள் கைது செய்யப்பட்டனர்.
தமது இரண்டு தனித்தனி விசாரணைகளின் விளைவாக நான்கு பேர் கைது செய்யப்பட்டுள்ளதாக Halton பிராந்திய காவல்துறையினர் தெரிவித்தனர்.
இதன் மூலம் அந்தப் பகுதியில் செயல்பட்டு வந்த இரண்டு வாகனத் திருட்டு குழுக்கள் முறியடிக்கப்பட்டுள்ளதாகவும் காவல்துறை தெரிவித்துள்ளது.
இதில் Project Joker என பெயரிடப்பட்ட முதலாவது விசாரணை April 2026-இல், Project Disconnect என பெயரிடப்பட்ட இரண்டாவது விசாரணை 2026 ஆரம்பத்தில் முன்னெடுக்கப்பட்டது.
முதலாவது விசாரணையின் அடிப்படையில் Quebec மாகாணத்தை மையமாகக் கொண்டு செயல்படும் ஒரு ஒழுங்கமைக்கப்பட்ட குற்ற குழுவின் உறுப்பினர்கள் என நம்பப்படும் இரண்டு சந்தேக நபர்களை அடையாளம் கண்டுள்ளதாக காவல்துறை தெரிவித்துள்ளது.
Montréal நகரை சேர்ந்த 27 Dany Hamel-Poirier, 20 வயதான Damian Daneau ஆகியோர் May 22 அன்று கைது செய்யப்பட்டதாக காவல்துறை தெரிவித்துள்ளது.
Dany Hamel-Poirier கைது செய்யப்பட்ட நேரத்தில், அவர் Ontario, Quebec மாகாணங்களில் உள்ள பல்வேறு காவல் துறைகளால் வாகன திருடு விசாரணைக்காக தேடப்பட்டு வந்தார் என கூறப்படுகிறது.
Toronto பெரும்பாகம் முழுவதும் 100-க்கும் மேற்பட்ட வாகனத் திருட்டுக்களுக்கு இந்த இரண்டு பிரதிவாதிகள் பொறுப்பு என நம்புவதாகவும், அவர்களுக்கு எதிராக மேலும் பல குற்றச்சாட்டுகள் எதிர்பார்க்கப்படுவதாகவும் காவல்துறை தெரிவித்துள்ளது.
இரண்டாவது விசாரணையின் அடிப்படையில் 21 வயதான Jobanpreet Singh, 26 வயதான Atish Singh ஆகியோர் கைது செய்யப்பட்டனர்.
கைது செய்யப்பட்ட நேரத்தில், Jobanpreet Singh கனடா எல்லை சேவை முகமையின் பிடியாணையின் கீழ் தேடப்பட்டு வந்தார்.
இவர் மாணவர் விசாவில் கனடாவில் இருந்தார் எனவும் காவல்துறை ஒரு அறிக்கையில் தெரிவித்துள்ளது.
