கனடா ஒருபோதும் அமெரிக்காவின் 51-வது மாநிலமாக மாறாது என Ontario முதல்வர் மீண்டும் வலியுறுத்தினார்.
கனடாவின் இறையாண்மை மீது அமெரிக்க ஜனாதிபதி Donald Trump தொடுத்துள்ள சமீபத்திய தாக்குதலை மீண்டும் எதிர்த்துள்ள Ontario மாகாண முதல்வர் Doug Ford அதற்கு பதிலடி கொடுத்துள்ளார்.
“இதை நான் மீண்டும் சொல்ல வேண்டியிருக்கிறது என்பதை என்னால் நம்ப முடியவில்லை” என தனது X தளத்தில் பதிந்துள்ள Doug Ford, கனடா ஒருபோதும் அமெரிக்காவின் 51-வது மாநிலமாக ஆகாது என செவ்வாய்க்கிழமை (02) குறிப்பிட்டார்
கனடா விற்பனைக்கு அல்ல எனவும் அவர் மீண்டும் வலியுறுத்தினார்.
கனடா பொருளாதார மந்த நிலைக்குள் வீழ்வது குறித்து திங்கட்கிழமை (011) வெளியான Bloomberg செய்தி கட்டுரைக்கு Donald Trump தெரிவித்த எதிர்வினைக்கு பதிலளிக்கும் விதமாக இந்தக் கருத்தை Doug Ford தெரிவித்தார்.
“51வது மாநிலம்!” என Donald Trumpசமூக ஊடகத்தில் எழுதிய பதிவை, கனடாவுக்கான அமெரிக்கத் தூதர் Pete Hoekstra மீள்பகிர்வு செய்தார்.
கனடிய பொருளாதார மந்த நிலைக்குள் சரிந்துள்ளது என கனடிய புள்ளி விபரத் திணைக்களம் வெள்ளிக்கிழமை (29) வெளியிட்ட அறிக்கையில் தெரிவித்திருந்தது.
அமெரிக்கா ஜனாதிபதியின் “51வது மாநிலம்” குறித்த சொல்லாடல் December 2024 ஆரம்பித்து தொடர்கிறது.
ஆரம்பத்தில் இது ஒரு நகைச்சுவையாக கருதப்பட்டாலும், பின்னர் தொடரும் வர்த்தகப் போரின் மத்தியில் இது ஒரு உண்மையான அச்சுறுத்தலாக உருவெடுத்தது.
