50 ஆண்டுகளுக்கு பின்னர் முதன்முறையாக மனிதர்களை நிலவுக்கு அனுப்பவிருக்கும் Artemis II பயணத்தில் கனடியர் ஒருவரும் பங்கேற்கிறார்.
Artemis II நிலவுக்கான பயண ஏவுதல் புதன்கிழமை (01) நிகழ ஏற்பாடாகியுள்ளது.
இந்தக் குழுவில் கனடிய விண்வெளி வீரர் Jeremy Hansen-னும் அடங்குகிறார்.
Artemis II விண்கலம் புறப்படும் போது, Jeremy Hansen, பூமியின் சுற்றுவட்டப் பாதையை தாண்டி ஆழ்விண்வெளிக்குப் பயணம் செய்யும் முதல் கனடியர், முதல் அமெரிக்கர் அல்லாதவர் என்ற வகையில் வரலாறு படைப்பார்.
Artemis II விண்கலம், நிலவை சுற்றி வருவதற்கான தனது பயணத்தை மேற்கொள்வதற்கு, புதன் மாலை அமெரிக்காவின் Kennedy விண்வெளி மையத்திலிருந்து ஏவப்படும் என எதிர்பார்க்கப்படுகிறது.
