Toronto நகர முதல்வரினால் இந்துமத குரு சிவஸ்ரீ விசுவநாத ரங்கநாத சர்மா கௌரவிக்கப்பட்டார்.
திங்கட்கிழமை (01) நடைபெற்ற சிறப்பு நிகழ்வொன்றில் நகர முதல்வர் Olivia Chow சிவஸ்ரீ விசுவநாத ரங்கநாத சர்மாவை கௌரவித்தார்.
Pride மாத ஆரம்பத்தை குறிக்கும் வகையில் Toronto நகரசபை மண்டபத்தில் இந்த கௌரவ நிகழ்வு நடைபெற்றது.
அங்கு ஓரினச்சேர்க்கையாளர்களின் திருமணத்தில் தாக்கத்தை ஏற்படுத்திய மதத் தலைவர்களை Olivia Chow கௌரவித்தார்.
கௌரவம் பெற்ற மதத் தலைவர்களில் கடந்த 26 ஆண்டுகளாக கனடாவில் வசித்து வரும் இந்து மத குருவான சிவஸ்ரீ விசுவநாத ரங்கநாத சர்மா ஒருவராவார்.
அவர் பல்வேறு கலாச்சார, சமூகப் பின்னணிகளை கொண்டவர்களுடன்
பணியாற்றியுள்ளார் எனவும், ஓரினச் சேர்க்கையாளர்களின் திருமணங்கள் உட்பட பல்வேறு கலாச்சார நிகழ்வுகளை முன்னின்று நடத்தியுள்ளார் எனவும் நகர முதல்வர் அலுவலகம் அங்கீகரித்துள்ளது.
இந்த கௌரவத்தை தமிழ் நகரசபை உறுப்பினர் பார்த்தி கந்தவேள் பரிந்துரைத்திருந்தார் என்பது குறிப்பிடத்தக்கது.
