Scarborough Southwest தொகுதியில் உள்ள Ontario Liberal கட்சி உறுப்பினர்கள், வரவிருக்கும் இடைத்தேர்தலுக்காக தமது வேட்பாளரை தேர்ந்தெடுக்க உள்ளனர்.
இந்த வேட்பாளர் தெரிவு, Ontario Liberal கட்சியின் எதிர்காலத்தை பெரிதாகி பாதிக்கக்கூடிய நிலை தோன்றியுள்ளது.
இந்த வேட்பாளர் தேர்வு சனிக்கிழமை (09) நடைபெற உள்ளது.
வேட்பாளர் நியமன போட்டிகள் கட்சிக்கு வெளியே பொதுவாக அதிக கவனத்தை ஈர்க்காத போதிலும், இந்த வாக்கெடுப்பு தலைமைப் பதவியை குறிவைக்கும் ஒரு வேட்பாளருக்கு ஒரு தெளிவான முதல் சோதனையாக அமைகிறது.
தற்போது Beaches-East York தொகுதியின் பிரதிநிதியாக இருக்கும் Liberal கட்சி நாடாளுமன்ற உறுப்பினர் Nate Erskine-Smith, Ontario Liberal கட்சியின் தலைமைப் பதவிக்கு இரண்டாவது முறையாக போட்டியிட விரும்புவதை வெளிப்படையாகத் தெரிவித்துள்ளார்.
Bonnie Crombie வெற்றி பெற்ற 2023-ம் ஆண்டு நடைபெற்ற Ontario Liberal தலைமைப் பதவிக்கான போட்டியில் அவர் இரண்டாம் இடத்தைப் பிடித்தார்.
இரண்டு முன்னாள் Ontario Liberal கட்சி தலைவர்களான Bonnie Crombie, Steven Del Duca ஆகியோர் சட்டமன்றத்தில் ஆசனம் இல்லாத நிலையில் இருந்தனர்.
இந்த நிலை தொடர்ந்த தேர்தல்களிலும் அவர்களால் வெற்றி பெற முடியாத நிலை தோன்றியது.
சட்டமன்றத்தில் முதல்வர் Doug Ford-டுடன் நேரடியாக மோத இயலாதது, எதிர்க்கட்சியாக செயல்படுவதில் அவர்களின் செயல்திறனைக் குறைத்தது என விமர்சகர்கள் கூறினர்.
Doug Ford முதல்வராக மூன்றாவது முறை எளிதாக வெற்றி பெற்ற தேர்தலை தொடர்ந்து நடந்த தலைமை மதிப்பாய்வில் போதிய ஆதரவு கிடைக்காததால், Liberal கட்சித் தலைவர் பதவியில் இருந்து Bonnie Crombie இந்த ஆண்டின் ஆரம்பத்தில் விலகினார்.
Scarborough Southwest தொகுதியில் வரவிருக்கும் இடைத்தேர்தல், மாகாணசபையில் ஒரு ஆசனத்திற்கு போட்டியிட தனக்கு வாய்ப்பளிக்கக்கூடும் என Nate Erskine-Smith கூறுகிறார்.
ஆனாலும், ஒரு வேட்பாளர் தங்கள் சமூகத்தை ஒரு ஏணிப்படியாகப் பயன்படுத்த முயற்சிப்பதாக கருதும் அவரது சக வேட்பாளர் போட்டியாளர்களில் சிலர் கடும் அதிருப்தியில் உள்ளனர்.
கடந்த ஆண்டு மாகாணத் தேர்தலில் Scarborough Southwest தொகுதியில் Liberal கட்சி சார்பில் Qadira Jackson போட்டியிட்டிருந்தார்.
இம்முறை இங்கு வெற்றி பெறும் வேட்பாளர் உள்ளூரைச் சேர்ந்தவராக இருப்பதை உறுதி செய்ய உதவும் வகையில், தானும் மற்றொரு வேட்பாளரும் தங்களது தரவரிசை வாக்குச்சீட்டுகளில் ஒருவரை ஒருவர் இரண்டாவது இடத்தில் வைக்க ஒப்புக் கொண்டுள்ளதாக அவர் கூறினார்.
Qadira Jackson தவிர Ahsanul Hafiz, Mahmuda Nasrin என மேலும் இரண்டு வேட்பாளர்கள் இந்த வேட்பாளர் தேர்தலில் போட்டியிடுகின்றனர்.
சமூகத்திற்கு வெளியிலிருந்து திடீரென இந்தத் தொகுதிக்குள் நுழைந்ததாக கூறப்படும் சித்தரிப்புகள் தவறானவை என Nate Erskine-Smith இந்த வாரம் செய்தியாளர்களிடம் தெரிவித்தார்.
இந்த நியமன தேர்தல் பின்னணி மிகவும் பரபரப்பாக இருப்பதை Ontario Liberal கட்சியின் இடைக்காலத் தலைவர் John Fraser ஒப்புக்கொண்டார்.
எவரும் எதிர்பாராத திடீர் கட்சித் தாவலால் இந்த இடைத்தேர்தல் தூண்டப்படுகிறது.
இந்தத் தொகுதியின் மாகாணசபை உறுப்பினர் பதவியில் இருந்து Ontario NDP முன்னாள் துணைத் தலைவர் Doly Begum அதிர்ச்சியூட்டும் வகையில் விலகிய நிலையில் இந்தத் தொகுதி வெற்றிடம் ஆகியுள்ளது.
தனது பதவியில் இருந்து விலகிய Doly Begum மத்திய Liberal கட்சியின் வேட்பாளராக இங்கு நடைபெற்ற இடைத்தேர்தலில் போட்டியிட்டு நாடாளுமன்ற உறுப்பினரான வெற்றி பெற்றார் என்பது குறிப்பிடத்தக்கது.
இந்தத் தொகுதிக்கான இடைத்தேர்தல் திகதியை முதல்வர் Doug Ford இதுவரை அறிவிக்கவில்லை.
Scarborough Southwest தொகுதியில் இடைத் தேர்தலை அறிவிக்க அவருக்கு August மாதம் வரை கால அவகாசம் உள்ளது.
இங்கு இதுவரை Progressive Conservative கட்சிக்கு வேட்பாளர் எவரும் அறிவிக்கப்படவில்லை.
NDP கட்சி வேட்பாளராக Fatima Shaban தேர்ந்தெடுக்கப்பட்டுள்ளார்.
