கனடாவின் வேலையற்றோர் விகிதம் April மாதத்தில் 0.2 சதவீதம் அதிகரித்துள்ளது.
இதன் மூலம் கனடாவின் வேலையற்றோர் விகிதம் April மாதத்தில் ஆறு மாதங்களில் இல்லாத உச்சபட்சமாக 6.9 சதவீதமாகஅதிகரித்துள்ளது.
கனடா புள்ளி விபரத் திணைக்களம் இந்தத் தகவலை வெள்ளிக்கிழமை (08) அறிவித்தது.
April மாதத்தில் முழு நேர வேலைவாய்ப்பு 0.3 சதவீதம் குறைந்ததாகவும், பகுதி நேர வேலைவாய்ப்பு 0.8 சதவீதம் அதிகரித்ததாகவும் புள்ளி விபரத் திணைக்களம் தெரிவித்துள்ளது.
அமெரிக்காவின் வரிகள், வர்த்தக நிச்சயமற்ற தன்மையின் காரணமாக தவித்துவரும் தொழிலாளர் சந்தையில், தொடர்ச்சியான பலவீனம் நிலவுவதை இது சுட்டிக்காட்டுகிறது.
நாடளாவிய ரீதியில் சுமார் 18 ஆயிரம் தொழில் வாய்ப்புகள் பறிபோன நிலையில், அதிகமானவர்கள் தொழில் தேட ஆரம்பித்துள்ளனர்.
கடந்த மாத வேலை இழப்பு மூலம், இந்த ஆண்டில் இதுவரையிலான நான்கு மாதங்களில் மூன்று மாதங்களில் வேலை இழப்புகளை தொழில் சந்தை சந்தித்துள்ளது.
இது 2026-ஆம் ஆண்டில் தொழிலாளர் சந்தைக்கு ஒரு சீரற்ற ஆரம்பம் இருப்பதைக் காட்டுகிறது.
இளம் கனடியர்களிடையே வேலையற்றோர் எண்ணிக்கை, ஒட்டுமொத்த வேலையற்றோர் விகிதத்தை விட அதிக அளவில் உள்ளது.
15 முதல் 24 வயதுக்குட்பட்ட கனடியர்களுக்கான வேலையற்றோர் விகிதம் அரை சதவிகித புள்ளி அதிகரித்து 14.3 சதவீதமாக உயர்ந்துள்ளது.
April 2025 முதல் தொழில் சந்தையில் 67 ஆயிரம் வேலை வாய்ப்புகள் உருவாகியுள்ள போதிலும், இந்த ஆண்டின் ஆரம்பத்தில் இருந்து ஒட்டுமொத்தமாக 112,000 வேலைவாய்ப்புகள் இழக்கப்பட்டுள்ளது குறிப்பிடத்தக்கது.
