Ajax நகரசபை உறுப்பினர் பதவிக்கு தமிழர் ஒருவர் வேட்புமனு தாக்கல் செய்துள்ளார்.
Ontario மாகாணத்தின் பல்வேறு நகரசபை பதவிகளுக்கான வேட்புமனு தாக்கல் வெள்ளிக்கிழமை (01) அதிகாரப்பூர்வமாக ஆரம்பித்தது.
பல்வேறு நகரசபை பதவிகளுக்கான தேர்தல் October 26-ஆம் திகதி நடைபெறுகிறது.
இதில் Ajax நகரசபையின் இரண்டாம் வட்டார நகரசபை உறுப்பினர் பதவிக்கு போட்டியிட தமிழரான அன்ரஸ் அடைக்கலம் வேட்புமனு தாக்கல் செய்துள்ளார்.
வேட்புமனுக்கள் ஏற்றுக்கொள்ளப்படும் முதல் நாளான வெள்ளியன்று அவர் தனது வேட்புமனுவை தாக்கல் செய்துள்ளார்.
இவர் கடந்த நகரசபைத் தேர்தலில் Ajax நகர சபையின் முதலாவது வட்டார நகரசபை உறுப்பினர் பதவிக்கு போட்டியிட்டு இரண்டாவது இடத்தை (15 சதவீத வாக்கு) பெற்றிருந்தார்.
Ajax நகரசபையின் இரண்டாம் வட்டார நகர சபை உறுப்பினராக தற்போது Nancy Henry பதவி வகிக்கிறார்.
இவர் கடந்த தேர்தலில் 31 சதவீதத்திற்கும் அதிகமான வாக்குகளை பெற்றிந்தார்.
இவர் மீண்டும் இம்முறையும் தேர்தலில் போட்டியிடுகிறார் என்பது இங்கு குறிப்பிடத்தக்கது.
