Alberta பிரிவினைவாதிகள் பொது வாக்கெடுப்பு மனுவில் ஆயிரக்கணக்கான கையொப்பங்களை சமர்ப்பித்தனர்.
Alberta கனடாவிலிருந்து பிரிய வேண்டுமா என மாகாண மக்களிடம் கோரும் ஒரு பொது வாக்கெடுப்பு மனுவில் ஆயிரக்கணக்கான கையொப்பங்களை Alberta பிரிவினைவாதிகள் சமர்ப்பித்தனர்.
தாங்கள் 3 இலட்சத்திற்கும் அதிகமான கையெழுத்துக்களை சேகரித்ததாக Stay Free Alberta தலைவர் Mitch Sylvestre கூறினார்.
இது போன்ற மனுக்களுக்கு தேவைப்படும் 178,000 கையெழுத்துக்களை விட இது மிக அதிகமானதாகும்.
ஆனாலும் Alberta தேர்தல் ஆணையம் இந்த கையொப்பங்களின் எண்ணிக்கையை இதுவரை உறுதிப்படுத்தவில்லை.
Edmonton-னில் உள்ள Alberta தேர்தல் அலுவலகத்தில், 43 பெட்டிகளில் இருந்த கையொப்பங்களை Mitch Sylvestre தனது ஆதரவாளர்களுடன் திங்கட்கிழமை (04) சமர்ப்பித்தார்.
கனடா Post தாமதம் காரணமாக இன்னும் பல கையெழுத்துக்களை தாம் பெறவில்லை எனவும் அவை விரைவில் தேர்தல் அலுவலகத்தில் கையளிக்கப்படும் என எதிர்பார்ப்பதாக அவர் கூறினார்.
இந்த நிலையில் October மாதம் நடைபெறும் வாக்கெடுப்பில் பிரிவினை குறித்த கேள்வியை Alberta வாக்காளர்கள் எதிர்கொள்ளும் சாத்தியக்கூறு உள்ளது.
Alberta மாகாணத்தில் October 19 அன்று ஒரு பொது வாக்கெடுப்பு நடத்த திட்டமிடப்பட்டுள்ளது குறிப்பிடத்தக்கது.
