அமெரிக்க ஜனாதிபதி Donald Trump நிர்வாகம் கனடா மீது விதித்துள்ள வர்த்தக வரிகளை முன்னாள் அமெரிக்க ஜனாதிபதி Barack Obama சாடியுள்ளார்.
கனடா போன்ற ஒரு நீண்ட கால நட்பு நாட்டுடன் வர்த்தகப் போரில் ஈடுபடுவது அப்பட்டமான முட்டாள்தனம் என Barack Obama பகிரங்கமாகக் கண்டித்துள்ளார்.
அமெரிக்காவின் Ohio மாநிலத்தில் நடைபெற்ற Democratic கட்சி இடைக்காலத் தேர்தல் பிரசார பேரணியில் உரையாற்றிய Barack Obama, கனடா குறித்த Donald Trump நிர்வாகத்தின் கொள்கைகளை கடுமையாக சாடியுள்ளார்.
Donald Trump தற்போது ஆரம்பித்துள்ள வர்த்தகப் போரானது உலகப் புகழ்பெற்ற ஏதோவொரு ‘தீய பேரரசுடன்’ நடப்பது போல சித்தரிக்கப்படுகிறது என Barack Obama குறிப்பிட்டார்.
கனடாவை ஒரு நட்பு நாடு என குறிப்பிட்ட முன்னாள் அமெரிக்க ஜனாதிபதி, ஒரு அமைதியான நட்பு நாட்டுடன் ஒருவர் எவ்வாறு போரில் ஈடுபடுவது என கேள்வி எழுப்பினார்.
Donald Trump முன்னெடுக்கும் வரிகளால் கனடா மட்டுமின்றி, அமெரிக்க நுகர்வோர்களும் பாதிக்கப்பட்டு வருகின்றனர் என Barack Obama சுட்டிக்காட்டினார்.
