Quebec இடைத் தேர்தலில் போட்டியிடப் போவதில்லை என NDP தலைவர் தெரிவித்தார்.
Québec NDP நாடாளுமன்ற உறுப்பினர் Alexandre Boulerice பதவி விலகவுள்ளதாக திங்கட்கிழமை (27) அறிவித்தார்.
எதிர்வரும் October மாதம் நடைபெறவுள்ள மாகாண சபைத் தேர்தலுக்கு முன்னதாக, மத்திய NDP கட்சியிலிருந்து விலகி, இடதுசாரி இறையாண்மைவாதக் கட்சியான Québec solidaire கட்சியில் இணையும் முடிவை Alexandre Boulerice அறிவித்துள்ளார்.
Rosemont-La Petite-Patrie மத்திய தொகுதியின் NDP பிரதிநிதியான Alexandre பௌலோரிஸ் இந்த முடிவை அதிகாரப்பூர்வமாக அறிவித்தார்.
உடனடியாக சுயேச்சை உறுப்பினராக பதவியேற்கும் அவர், மாகாணத் தேர்தல் பிரச்சாரம் அறிவிக்கப்படுவதற்கு முனைய நாள் முறைப்படி பதவி விலக உள்ளார்.
அவரது பதவி விலகல் மூலம் மற்றொரு மத்திய இடைத்தேர்தல் நடைபெறும் நிலை தோன்றியுள்ளது.
ஆனாலும் இந்த இடைத் தேர்தலில் போட்டிடும் எண்ணம் எதுவும் இல்லை என NDP தலைவர் Avi Lewis தெரிவித்தார்.
Quebec மக்கள் Quebec மக்களால் பிரதிநிதித்துவப்படுத்தப்பட வேண்டும் என அவர் கூறினார்.
“நான் Quebec-க்கைச் சேர்ந்தவன் அல்ல என குறிப்பிட்ட Avi Lewis, குறிப்பிட்ட தொகுதியில் ஏற்கனவே வேட்பாளர் தெரிவில் மிகுந்த ஆர்வம் உள்ளது எனவும் கூறினார்.
Alexandre Boulerice எடுத்துள்ள பதவி விலகல் NDP கட்சிக்கு நாடாளுமன்றத்தில் ஐந்து ஆசனங்கள் மட்டுமே எஞ்சி இருக்கும் நிலையைத் தோற்றுவிக்கிறது.
தவிரவும் கட்சிக்கு Quebec மாகாணத்தில் நாடாளுமன்ற உறுப்பினர்கள் எவரும் இல்லாத நிலையையும் இது தோற்றுவிக்கிறது.
கடந்த சில மாதங்களில் NDP கட்சியில் இருந்து விலகும் இரண்டாவது நாடாளுமன்ற உறுப்பினர் Alexandre Boulerice ஆவார்.
Nunavut NDP நாடாளுமன்ற உறுப்பினர் Lori Idlout கடந்த March மாதம் Liberal அரசில் இணைவதற்காக கட்சி மாறியதை தொடர்ந்து இந்த பதவி விலகல் அறிவித்தல் வெளியாகிறது
Alexandre Boulerice-ரை கட்சியில் நீடிக்குமாறு புதிய NDP தலைவர் Avi Lewis அண்மைய வாரங்களில் பலமுறை பகிரங்கமாக கோரி வந்தது இங்கு குறிப்பிடத்தக்கது.
ஆனாலும் இந்த முடிவு குறித்து தாம் கவலை அடையவில்லை என NDP தலைவர் Avi Lewis தெரிவித்துள்ளார்.
“இது அவர் (Alexandre Boulerice) பல மாதங்களாக ஆலோசித்து வந்த ஒரு முடிவு,” என ஒரு செய்தியாளர் சந்திப்பில் அவர் கூறினார்.
