Mark Carney அரசாங்கத்திற்கு பெரும்பான்மையை உறுதிசெய்த இடைத் தேர்தலில் வெற்றி பெற்ற மூன்று புதிய நாடாளுமன்ற உறுப்பினர்கள் உத்தியோக பூர்வமாக பதவியேற்றனர்.
Doly Begum, Danielle Martin, Tatiana Auguste ஆகியோர் சனிக்கிழமை (25) நாடாளுமன்ற உறுப்பினர்களாக பதவியேற்றனர்.
இந்த மாத ஆரம்பத்தில் நடந்த இடைத் தேர்தல்களில் வெற்றி பெற்று, Liberal அரசாங்கத்திற்கு பெரும்பான்மை அரசாங்கத்தை உறுதிசெய்த இந்த மூவரும் திங்கட்கிழமை (27) நாடாளுமன்ற அமர்வுகளில் பங்கேற்றனர்.
Doly Begum, Danielle Martin ஆகியோர் பதவி விலகிய Toronto நகர அமைச்சர்களான Bill Blair, Chrystia Freeland ஆகியோரின் தொகுதிகளில் இடைத் தேர்தலில் வெற்றி பெற்றனர்.
கனடாவின் உச்ச நீதிமன்றம், கடந்த வருடம் நடைபெற்ற தேர்தல் முடிவுகளை செல்லாததாக்கியதைத் தொடர்ந்து நடந்த இடைத் தேர்தலில், Bloc Québécois கட்சியின் கோட்டையான Terrebonne தொகுதியில் Tatiana Auguste வெற்றி பெற்றிருந்தார்.
கடந்த ஆறு மாதங்களில் ஐந்து நாடாளுமன்ற உறுப்பினர்கள் Liberal கட்சிக்குத் தாவியதை தொடர்ந்து, தற்போது ஆளும் கட்சி வரிசையில் 174 உறுப்பினர்கள் உள்ளனர்.
