கனடாவின் அதிகம் தேடப்படும் குற்றவாளிகளில் ஒருவர் அமெரிக்காவில் கைது செய்யப்பட்டார்.
2024 Toronto துப்பாக்கிச்சூடு கொலை வழக்கில் குற்றம் சாட்டப்பட்டு, கனடாவின் அதிகம் தேடப்படும் குற்றவாளிகளில் ஒருவர் அமெரிக்காவில் கைது செய்யப்பட்டார்.
Mississippi மாநிலத்தில் Adrian Walker கைது செய்யப்பட்டதாக செவ்வாய்க்கிழமை (24) Toronto காவல்துறை தெரிவித்துள்ளது.
இரட்டைத் துப்பாக்கிச் சூட்டில் இவர் கனடாவில் தேடப்படும் குற்றவாளிகளில் ஒருவராக குற்றம் சாட்டப்பட்டிருந்தார்.
கனடாவின் 14-வது தேடப்படும் குற்றவாளியாக Adrian Walker பட்டியலிடப்பட்டிருந்தார்.
அவர் Toronto-வுக்குக் கொண்டு வரப்பட்டு, அவருக்கு எதிராக முதல் நிலைக் கொலை, கொலை முயற்சி ஆகிய குற்றச்சாட்டுகள் பதிவு செய்யப்படவுள்ளன.
இந்தத் துப்பாக்கிச் சூட்டில் 31 வயதான Trevor Dalton John பலியானார்.
இதில் ஒரு பெண்ணுக்கும் உயிருக்கு ஆபத்தில்லாத காயங்களும் ஏற்பட்டன.
இதில் மற்றொரு சந்தேக நபரான 20 வயது Kemyan Franklyn, 2024 May 30 அன்று கைது செய்யப்பட்டு, முதல் நிலை கொலை, கொலை முயற்சி குற்றச்சாட்டுகள் பதிவு செய்யப்பட்டன.
இவர்களுக்கு எதிரான குற்றச்சாட்டுகள் நீதிமன்றத்தில் நிரூபிக்கப்படவில்லை.
