உலகளாவிய எரிசக்தி சந்தைக்கு உதவ கனடா தன்னாலான அனைத்தையும் செய்யும் என பிரதமர் Mark Carney உறுதியளித்தார்.
பாரசீக வளைகுடா எண்ணெய் விநியோகத்தை ஈரான் முடக்கியுள்ள நிலையில் பிரதமரின் இந்தக் கருத்து வெளியானது.
ஈரான் மீதான அமெரிக்கா – இஸ்ரேல் போரின் தாக்கத்திற்கு பதிலளிக்கும் வகையில் “பல பரிமாணங்களில்” பணியாற்றி வருவதாகவும் Mark Carney கூறினார்.
இந்த மோதல் நீண்ட காலம் நீடித்தால், எரிசக்தி சந்தைகளுக்கும் உலகப் பொருளாதாரத்திற்கும் அதிகமான இடையூறுகள் ஏற்படும் எனவும் கனடிய பிரதமர் குறிப்பிட்டார்.
