கனடிய பிரதமர் Mark Carney மூன்றாம் சார்லஸ் மன்னரை சந்திக்கவுள்ளார்.
எதிர்வரும் திங்கட்கிழமை (16) இந்தச் சந்திப்பு நிகழும் என பிரதமர் அலுவலகம் உறுதிப்படுத்தியது.
Mark Carney மேற்கொள்ளவுள்ள பரந்த ஐரோப்பிய பயணத்தின் ஒரு பகுதியாக அவர் மூன்றாம் சார்லஸ் மன்னரை சந்திக்கிறார்.
நோர்வே, இங்கிலாந்து உள்ளடங்கிய ஒரு பரந்த ஐரோப்பிய பயணத்தின் போது மூன்றாம் சார்லஸ் மன்னரை Mark Carney சந்திக்கிறார்.
இந்தப் பயணத்தின் போது முக்கிய நட்பு நாடுகளுடனான உறவுகளில் பிரதமர் கவனம் செலுத்துவார் எனவும் பாதுகாப்பு ஒத்துழைப்பு பிரதமரின் முன்னுரிமையாக இருக்கும் எனவும் எதிர்பார்க்கப்படுகிறது.
Arctic, NATO முழுவதும் புவிசார் அரசியல் பதட்டங்கள் அதிகரித்து வரும் நிலையில், ஐரோப்பிய நட்பு நாடுகளுடன் உறவுகளை வலுப்படுத்தும் கனடிய அரசின் உந்துதலின் ஒரு பகுதியாக இந்த பயணம் அமைகிறது.
நோர்வேயில் பிரதமர் Jonas Gahr Store, இங்கிலாந்தில் பிரதமர் Kier Starmer உள்ளிட்ட தலைவர்களையும் Mark Carney சந்திக்க ஏற்பாடாகியுள்ளது.
