ஈரான் போர் குறித்து விவாதம் ஒன்றை நடத்த Liberal அரசாங்கம் முன்மொழிந்துள்ளது.
திங்கட்கிழமை (09) மாலை நாடாளுமன்ற சபை அமர்வில் இந்த விவாதம் நடைபெறும் என Liberal நாடாளுமன்ற குழுத் தலைவர் Steven MacKinnon தெரிவித்தார்.
ஈரான் யுத்தம் குறித்தும், இதனால் வெளிநாடுகளில் உள்ள கனடியர்களுக்கு ஏற்படும் தாக்கம் குறித்தும் விவாதம் நடத்தப்பட வேண்டும் என அரசாங்கம் எதிர்க்கட்சிகளுக்கு முன்மொழிந்துள்ளதாக அவர் கூறினார்.
Mark Carney இந்த விவாதத்தில் கலந்து கொள்வாரா என்ற கேள்விக்கு பிரதமர் அலுவலகம் உடனடியாக பதிலளிக்கவில்லை.
தவிரவும் Conservative ,NDP கட்சிகளின் ஊடக பிரதிநிதிகளும் இந்த முன்மொழிவு குறித்து உடனடியாக கருத்து தெரிவிக்கவில்லை.
February 28-ஆம் திகதி ஈரான் மீதான அமெரிக்க-இஸ்
ரேலிய தாக்குதலுக்கு பிரதமர் ஆதரவு தெரிவித்த போது, தாங்கள் சங்கடமாக உணர்ந்ததாக Mark Carney-யின் நாடாளுமன்ற உறுப்பினர்கள் சிலர் பகிரங்கமாக தெரிவித்திருந்தனர்.
இந்தத் தாக்குதல் குறித்த Liberal அரசாங்கத்தின் நிலைப்பாட்டை கொள்கையற்றது, பொருத்தமற்றது, முரண்பாடானது என இடைக்கால NDP தலைவர் Don Davies ஒரு சமூக ஊடகப் பதிவில் கடந்த வாரம் விமர்சித்திருந்தார்.
ஈரான் தாக்குதல் ஆரம்பித்த சில நாட்களுக்குப் பின்னர் ஆஸ்திரேலியாவில் நடந்த செய்தியாளர் சந்திப்பில், வான்வழித் தாக்குதல்கள் சர்வதேச சட்டத்தை மீறுவதாக இருக்கலாம் என Mark Carney தனது ஆதரவை “வருத்தத்துடன்” வெளிப்படுத்தி இருந்தார் என்பது குறிப்பிடத்தக்கது.
