கனடிய பிரதமரின் மூன்று நாடுகளுக்கான ஒன்பது நாள் பயணத்தில் புதிய Liberal நாடாளுமன்ற உறுப்பினரான Matt Jeneroux இணைகிறார்.
பிரதமர் Mark Carney வியாழக்கிழமை (26) முதல் இந்தியா, ஆஸ்திரேலியா, ஜப்பான் ஆகிய நாடுகளுக்கு 9 நாள் பயணம் மேற்கொள்கிறார்.
கடந்த வாரம் Conservative கட்சியில் இருந்து விலகி Liberal கட்சியில் இணைந்த Matt Jeneroux பிரதமருடன் இந்த சர்வதேசப் பயணத்தில் இணைய உள்ளதாக பிரதமர் அலுவலகம் தெரிவித்துள்ளது.
இலைதுளிர் காலத்தில் நாடாளுமன்ற உறுப்பினர் பதவியில் இருந்து விலகுவதாக கடந்த November மாதம் அறிவித்த போதிலும், கடந்த வாரம் அரசாங்கத்துடன் இணையும் முடிவை Matt Jeneroux எடுத்திருந்தார்.
இது எதிர்க்கட்சித் தலைவரின் கடுமையான விமர்சனத்திற்கு உள்ளானநிலையில் பிரதமரின் அடுத்த சர்வதேச பயணத்தில் இணைந்து கொள்ளும் பிரதிநிதிகள் பட்டியலில் Matt Jeneroux பெயரும் இடம்பிடித்துள்ளது.
பிரதமரின் இந்தியப் பயணத்திற்கான குழுவில் நிதியமைச்சர் François-Philippe Champagne, வெளியுறவு அமைச்சர் அனிதா ஆனந்த், பாதுகாப்பு அமைச்சர் David McGuinty, சர்வதேச வர்த்தக அமைச்சர் Maninder Sidhu, New Brunswick முதல்வர் Susan Holt, Saskatchewan முதல்வர் Scott Moe ஆகியோர் அடங்குவர்.
அமைச்சர்கள் François-Philippe Champagne, David McGuinty மட்டுமே ஆஸ்திரேலியாவுக்கு பிரதமருடன் பயணிப்பார்கள்.
ஜப்பானுக்கு அமைச்சர் David McGuinty மடடுமே செல்ல ஏற்பாடாகியுள்ளது.
ஆனாலும் மூன்று இடங்களுக்கும் செல்லும் பிரதிநிதிகள் பட்டியலில் Matt Jeneroux இடம் பிடித்துள்ளார்.
கனடாவுக்கும் அமெரிக்காவுக்கும் இடையிலான வர்த்தக உறவில் விரிசல் ஏற்பபட்டுள்ள நிலையில் கனடிய பிரதமரின் இந்தப் பயணம் முன்னெடுக்கப்படுகிறது.
கனடாவிற்கும் அமெரிக்காவிற்கும் இடையிலான வர்த்தக பதட்டங்களுக்கு மத்தியில், சமீபத்திய மாதங்களில் கனடிய பிரதமர் மேற்கொண்ட தொடர்ச்சியான உலகளாவிய பயணங்களின் அடுத்த கட்டமாக இது அமைகிறது
கனடாவை அமெரிக்காவை பொருளாதார ரீதியாக சார்ந்திருப்பதிலிருந்து விலக்க, வர்த்தக உறவுகளை வளர்ப்பதற்கான தனது சமீபத்திய முயற்சியாக பிரதமர் இந்தப் பயணத்தை முன்னெடுக்கிறார்.
