Alberta மாகாணத்தை கனடாவிலிருந்து விலக்குவதற்கான வாக்கெடுப்புக்கான கையெழுத்துக்களை சேகரிக்கும் மனுவில் தான் கையெழுத்திடவில்லை என Alberta மாகாண முதல்வர் Danielle Smith தெரிவித்தார்.
இந்த செயல்முறை பொதுமக்களால் இயக்கப்பட வேண்டும் என்பதால், எந்த மனுக்களிலும் தான் கையெழுத்திடவில்லை எனவும் அவர் கூறினார்.
Alberta மாகாணத்தை அதன் சொந்த நாடாக மாற்றுவதற்கான வாக்கெடுப்புக்கான நகர்வு இப்போது இரண்டாவது மாதமாக கையொப்பங்களை சேகரிக்கிறது.
இந்த நகர்வின் பின்னணியில் உள்ள குழுவான Stay Free Alberta, May மாதம் வரை 178,000 கையொப்பங்களை பெற வேண்டிய நிலை உள்ளது.
ஒன்றுபட்ட கனடாவிற்குள் இறையாண்மை கொண்ட Alberta-வை ஆதரிப்பதாக முதல்வர் Danielle Smith நீண்ட காலமாக கூறி வருகிறார்.
ஆனால் இது நேரடியான ஜனநாயக நகர்வின் மூலம் நிகழவேண்டும் என அவர் நம்பிக்கை கொண்டுள்ளார்.
கல்வி அமைச்சர் Demetrios Nicolaides, சுற்றுச்சூழல் அமைச்சர் Grant Hunter ஆகியோர் இந்த மனுவில் கையெழுத்திடவில்லை என தெரிவித்தனர்.
முன்னதாக இரண்டு அமைச்சர்கள் தாங்கள் இந்த மனுவில் கையெழுத்திடவில்லை என்பதை பகிரங்கமாக உறுதிப்படுத்திய பின்னர் இந்த புதிய தகவல் வெளியானது.
இந்த வாரத்தின் ஆரம்பத்தில் விளையாட்டு அமைச்சர் Andrew Boitchenko, இந்த மாத ஆரம்பத்தில் துணை அமைச்சர் Jason Nixon ஆகியோர் இந்த மனுவில் கையெழுத்திடவில்லை என்பதை தெரிவித்திருந்தனர்.
