கடும் குளிர் காரணமாக கனடிய விமான நிலையங்களில் விமான சேவைகளில் தாமதங்கள் எதிர் கொள்ளப்படுகின்றன.
கனடா முழுவதும் நிலவும் கடுமையான குளிர் காலநிலை காரணமாக, பெரும்பாலான முக்கிய விமான நிலையங்களில் விமான சேவைகளை தாமதப்படுத்தவோ அல்லது இரத்து செய்யவோ நேரிட்டுள்ளது.
Toronto, Montreal விமான நிலையங்களில் கடுமையான குளிர் காரணமாக தாமதங்கள் எதிர் கொள்ளப்படுவதாக Air Canada தெரிவித்துள்ளது.
Halifax, Moncton, Quebec City உள்ளிட்ட விமான நிலையங்களில் இதுபோன்ற நிலை உள்ளதாக West Jet தெரிவித்தது.
இந்த நிலையில் வாடிக்கையாளர்கள் எந்த கட்டணமும் இல்லாமல் தமது பயணங்களை மீள பதிவு செய்யலாம் என Air Canada கூறியது.
கடந்த சில நாட்களாக நாடளாவிய ரீதியில் கடுமையான குளிர் காலநிலை எதிர் கொள்ளப்படுகிறது.
வார விடுமுறையில் Prairies மாகாணத்தின் சில பகுதிகள் காற்றின் குளிர்ச்சியுடன் குறைந்தபட்ச குளிர்நிலை -55 C வரை எட்டும் என எதிர்பார்க்கப்படுகிறது.
Toronto, Ottawa நகரங்களில் சனிக்கிழமை (24) குளிர்நிலை -30 C முதல் -40 C வரை எட்டும் என எதிர்பார்க்கப்படுகிறது.
LJI Reporter ரம்யா சேது
