இந்த ஆண்டின் மிகப்பெரிய பனிப்பொழிவை Toronto நகரம் எதிர்கொள்கிறது.
புதன்கிழமை (14) இரவு முதல் Toronto நகரில் ஆரம்பிக்கும் பனிப்பொழிவு வியாழக்கிழமை (15) மாலை வரை தொடரவுள்ளது.
இந்த நிலையில் சுற்றுச்சூழல் கனடா Toronto-விற்கு மஞ்சள் பனிப்பொழிவு எச்சரிக்கையை வெளியிட்டுள்ளது.
10 முதல் 20 CM வரை பனி பெய்யும் என வானிலை முன்னறிவிப்பில் எதிர்பார்க்கப்படுகிறது.
பனிப்பொழிவு எச்சரிக்கையுடன் வெப்பநிலை வீழ்ச்சியும் எதிர்பார்க்கப்படுகிறது.
சுற்றுச்சூழல் கனடாவின் கூற்றின் படி, வியாழன் காலை வெப்பநிலை -9 சாக குறைந்து -22 வரை உணரக் கூடும் என எதிர்பார்க்கப்படுகிறது.
Toronto போலவே Durham, York, Peel, Halton, Hamilton, Niagara பகுதிகளில் உள்ள நகரங்களும் மஞ்சள் பனிப்பொழிவு எச்சரிக்கையின் கீழ் உள்ளன.
புதன் இரவு முதல் வியாழன் காலை Toronto பெரும்பாகத்தின் சில பகுதிகளில் 5 முதல் 15 CM வரை பனிப்பொழிவு எதிர்வு கூறப்படுகிறது.
Niagara , Prince Edward County போன்ற கடுமையாக பாதிக்கப்படும் பகுதிகளில் 20 CM வரை பனிப்பொழிவு எதிர்வு கூறப்படுகிறது.
LJI Reporter ரம்யா சேது
